خلیج اردو
دبئی :دبئی میں 2023 میں ملازمین انشورنس اسکیم کا آغاز کر دیا گیا ہے جس میں بہت سی کمپنیوں نے اپنے ملازمین کو ملازمت سے فارغ ہونے کی صورت میں کمپنی کے ساتھ اپنے آپ کو رجسٹر کرا کر معاوضہ لیں گے یہ عمل 1 جنوری 2023 سے نافذ العمل ہوئی تھی۔
متحدہ عرب امارات کی حکومت نے وفاقی حکومت اور نجی شعبے کے ملازمین کے لیے انوولٹری لاسس آف ایمپلائمنٹ (ILOE) انشورنس اسکیم کو فالو کرنا لازمی قرار دیا ہے۔ 30 جون تک فالو نہ کرنے کے نتیجے میں ملازمین کو 400 درہم جرمانہ ہوگا۔
کئی کمپنیوں نے اپنے ملازمین کو ILOE اسکیم کے لیے رجسٹر کیا ہے۔ مزید برآں کمپنیاں ملازمین میں ILOE اسکیم کے بارے میں آگاہی پیدا کرنے کی ذمہ دار ہیں،
ڈانا کانسو، دبئی انشورنس میں اسٹریٹجک پارٹنرشپس میں ILOE پول کی جانب سے مہم کی سربراہی کر رہی ہے۔
اس نے کمپنیوں کو مشورہ دیا کہ وہ ملازمین کو بار بار یاددہانی بھیجیں تاکہ وہ وقت پر جوائن کریں اور ان پر مزید جرمانے نہ لگیں۔
کانسو نے مشورہ دیا کہ چونکہ کمپنیاں دیگر مراعات جیسے لائف اور میڈیکل انشورنس کی پیشکش کر رہی ہیں، اس لیے وہ اپنے ملازمین کو یہ بھی ترغیب کے طور پر پیش کر سکتی ہیں۔ تاہم اس نے زور دیا کہ ملازمین کے لیے سبسکرائب کرنا لازمی ہے ۔
متحدہ عرب امارات میں ملازمین ایک یا دو سال تک جاب لوس انشورنس اسکیم کو سبسکرائب کر سکتے ہیں۔
ILOE اسکیم کے تحت اہل ملازمین کو ملازمت سے محروم ہونے سے پہلے 6 ماہ کی ان کی اوسط بنیادی تنخواہ کے 60 فیصد تک ماہانہ نقد فائدہ کے ساتھ معاوضہ دیا جائے گا۔
اس اسکیم کے حصے کے طور پر دو منصوبے متعارف کرائے گئے۔ نمبر 1میں 16,000 درہم یا اس سے کم کی بنیادی تنخواہ والے ملازمین کو زیادہ سے زیادہ تین ماہ کے لیے 10,000 درہم تک کے ماہانہ معاوضے کے لیے 5 درہم ہر ماہ یا ایک سال کے لیے 60 درہم ادا کرنا ہوگا۔ نمبر 2 میں 16,000 درہم سے زیادہ کمانے والے کارکنوں کو زیادہ سے زیادہ تین ماہ کے لیے 20,000 درہم تک کے ماہانہ معاوضے کے لیے 10 درہم ماہانہ یا ایک سال کے لیے 120 درہم ادا کرنا ہونگے ۔
یہ بھی لازمی ہے کہ ملازم ملک کا قانونی باشندہ ہو۔
دانا کانسو نے نشاندہی کی کہ ملازمت کے ضائع ہونے کی صورت میں ملازم کو تین ماہ کی ایک ہی ادائیگی کے بجائے ہر ماہ معاوضہ ادا کیا جائے گا۔
