خلیجی خبریں

متحدہ عرب امارات میں 400 درہم جرمانہ: پولیس نے رہائشیوں کو دیواروں اور کھمبوں پر پوسٹرز اور اشتہارات لگانے سے خبردار کر دیا

خلیج اردو

 

شارجہ : شارجہ میونسپلٹی حکام نے امارات میں اشتہارات، اسٹیکرز اور پوسٹرز کو ہٹانے کے لیے ایک مہم شروع کردی ہے جس سے عوامی جگہوں اشتہارات سے پاک کیا جائے گا جبکہ خلاف ورزی کرنے والوں کو 400 درہم جرمانہ ادا کرنا ہوگا ۔

 

بیہ گروپ کے تعاون سے کارکنوں نے النہضہ میں صفائی کی کارروائیاں شروع کیں۔ روشنی کے کھمبوں، دیواروں اور سرنگوں سے کئی پوسٹرز ہٹا دیے گئے۔

 

شارجہ میونسپلٹی کے ڈائریکٹر جنرل عبید سعید التونائیجی نے زور دیا ہے کہ یہ مہم امارات کے ماحول کو خراب کرنے والی سرگرمیوں کے خلاف سخت کریک ڈاؤن ہے۔

 

التونائیجی کے مطابق میونسپلٹی ان لوگوں کے خلاف ضروری اقدامات کرنے کا عہد کرتی ہے جو پورے امارات میں اس طرح کے غیر قانونی اشتہاری پوسٹروں کو تقسیم کرتے اور چپکاتے ہیں۔

 

انہوں نے زور دیا کہ جو لوگ دیواروں پر وغیرہ پر غیرقانونی فعل میں ملوث پائے گئے تو 400 درہم جرمانے کا سامنا کرنا پڑے گا۔

 

یہ مہم امارات بھر میں شروع ہوگیا ہے، جس میں دن بھر معائنہ جاری رہتا ہے۔

 

اس پہل کے ایک حصے کے طور پر ایک آگاہی مہم عوام کو عوامی مقامات کو صاف ستھرا اور سرسبز رکھنے کے لیے قوانین اور ضوابط کی پابندی کے بارے میں آگاہ کرے گی۔

متعلقہ مضامین / خبریں

Back to top button