ابوظبہی:(خلیج اردو): ابوظبہی میں داخلے کیلئے لازمی قرار دیئے گئے ٹیسٹ کیلئے عوام کی سہولات کو مدنظر رکھ کرمتعارف کرائے گئے تیز ترین ڈی پی آئی ٹیسٹنگ سہولت کو متحدہ عرب امارات کے دیگر علاقوں میں متعارف کروادیا گیا ہے۔ جدید طرز کی ٹیسٹنگ سہولت لیزر ٹیکنالوجی پر انحصار کرتی ہے جو صرف پچاس درہم میں صارف کا ٹیسٹ کم ترین وقت میں کرکے نتیجہ فراہم کرنے کی صلاحیت کے حامل ہے۔
ابتدا میں یہ سہولت ابوظبہی میں داخل ہونے کیلئے بارڈرز پر دستیاب تھی مگر اب یہ سہولت ملک کے دیگر علاقوں میں مختلف مراکز میں فراہم کی جارہی ہے۔
Following directions from the Abu Dhabi Emergency, Crisis & Disasters Committee for Covid-19 Pandemic, and in coordination with @DoHSocial, laser-based DPI testing is available across the #UAE. pic.twitter.com/SeQnnSNnvz
— مكتب أبوظبي الإعلامي (@admediaoffice) August 22, 2020
اس حوالے خلیج ٹائمز کی خبر کے مطابق ابوظبہی میں تین مراکز قائم کیے گئے ہیں۔ ابوظبہی میں قائم زیاد اسپورٹس سٹی ، کاربچے ( اوقات کار صبح اٹھ بجے سے شام اٹھ بجے ) اور گانتوت ( چوبیس گھنٹے سروس)میں جدید لیز ٹیکنالوجی سے لیس سکریننگ اور ٹیسٹس سنٹرز شامل ہیں۔
العین میں ال ہیل شادی ہال ( ہفتے کے ساتوں دن صبح دس سے شام اٹھ بجے) اور ال ہیلی سنٹر قائم کیا گیا ہے۔ دبئی میں مینا راشد اور الخوانیج اور شمالی امارات ، شارجہ گلف اور شوٹنگ کلب ، راس الخیمہ اور فجیرہ ( ہفتے کے ساتوں دن صبح دس بجے سے شام اٹھ بجے تک) اور عجمان میں امارت ہسپٹلٹی سنٹرز میں ٹیسٹنگ کے مراکز قائم کیے گئے ہیں۔
یہ فیصلہ ابوظبہی ایمرجنسی ، کرائسز اینڈ ڈیزاسٹرز کمیٹی کی ہدایات کی روشنی میں کیا گیا ہے جس کیلئے محکمہ صحت کا تعاون حاصل ہے۔ ان مراکز میں ٹیسٹ کرانے کیلئے سیہا اپلیکشن کا استعمال کرنا ہوگا۔ مزکورہ مراکز میں ہفتے کے روز سے یہ سہولت فراہم کی جارہی ہے۔
Source: Khaleej Times
