ابوظہبی پولیس نے ٹرک ، بس والی فرموں کو خبردار کیا ہے کہ وہ دھند والی سڑکوں پر کام نہ کریں۔

خلیج اردو: ٹرکوں اور بسوں کے آپریٹرز کو خبردار کیا گیا ہے کہ ابوظہبی میں دھند کے دوران سڑکوں پر ڈرائیونگ نہ کریں۔

ابوظہبی پولیس کے ٹریفک اور پیٹرولنگ ڈائریکٹوریٹ نے جمعرات کو بھاری گاڑیوں ، ٹرکوں ، بسوں اور مزدوروں کی ٹرانسپورٹیشن کرنے والی کمپنیوں کے عہدیداروں سے کہا کہ وہ ان گاڑیوں کے ڈرائیوروں کو خبردار کریں کہ وہ دھند کے موسم میں نقل و حرکت پر پابندی کے فیصلے کی پابندی کریں اور حادثات سے بچنے کے لیے احتیاطی تدابیر اپنائیں اور حفاظت کو یقینی بنائیں۔

ایک پولیس والے نے کہا کہ "دھند کے دوران سڑکوں پر چلنے والی بسوں اور ٹرکوں پر متعلقہ اتھارٹی کی ہدایات کی خلاف ورزی کرنے اور دھند کے وقت ڈرائیونگ کے حوالے سے 2017 کے فرمان 178 کے آرٹیکل 104 کے مطابق 500 درہم اور چار ٹریفک پوائنٹس کا جرمانہ عائد ہوگا۔”

ابوظہبی پولیس نے دھند کے دوران ان گاڑیوں کی نقل و حرکت پر پابندی عائد کر دی تھی کیونکہ دھند کے دوران کم نظر آتا تھا جو حادثات کا باعث بنتا ۔

پولیس نے کہا کہ جب تک دھند کا موسم صاف نہیں ہوتا ، اندرونی اور بیرونی سڑکوں پر بھاری گاڑیوں کی اجازت نہیں ہے۔”