ایڈی ہیکس: ​​ابوظہبی میں جاری سات دن کے شو میں فالکنری ، گھڑ سواری اور روایتی فنون اجاگر ۔

خلیج اردو: دو سال کے وقفے کے بعد ، مشہور ابو ظہبی بین الاقوامی شکار اور گھڑ سواری نمائش (اڈی ہیکس) نے پیر کو یہاں اپنے دروازے پھر سے عوام کیلئے کھول دیے۔

شو کا 18 واں ایڈیشن ایک بار پھر امارت کی روایتی سرگرمیوں مثلا فالکنری اور گھڑ سواری اور دستکاری پر مرکوز ہے اور 3 اکتوبر تک جاری رہے گا۔

ابو ظہبی ایگزیکٹو کونسل کے رکن اور ابو ظہبی ایگزیکٹو آفس کے چیئرمین شیخ خالد بن محمد بن زید النہیان نے نمائش کے پہلے دن کا دورہ کیا اور مختلف نمائش کنندگان سے ملاقات کی۔ انہیں شکار ، گھڑ سواری کی سرگرمیوں اور ماحولیاتی تحفظ میں استعمال کرنے کے تازہ ترین رجحانات اور ٹیکنالوجیز سے بھی آگاہ کیا گیا۔ شیخ خالد نے ایسے پلیٹ فارم مہیا کرنے کی اہمیت پر بھی روشنی ڈالی جو تہذیبی ورثے کو مناتے اور محفوظ کرتے ہیں۔

ایونٹ کے منتظمین کے مطابق ، امارات فالکنرز کلب ، سات روزہ شو 680 کمپنیاں اور 319 نمائش کنندگان کی میزبانی کر رہا ہے۔ جسمیں کل 90 لائیو ایونٹس ، بشمول میوزیکل اور ہیرٹیج شوز ، اونٹوں کی نیلامی ، گھوڑوں پر تیر اندازی اور ورکشاپس بھی شیڈولڈ ہیں۔

Covid19 احتیاطی تدابیر
یہ شو ، جو گزشتہ سال COVID-19 پھیلنے کے دوران منسوخ کر دیا گیا تھا ، اس سال سخت کوویڈ 19 احتیاطی تدابیر کے ساتھ پھر سے منعقد کیا جا رہا ہے۔ جسمیں تمام زائرین اور شرکاء کو پنڈال میں چہرے کا ماسک لگانا ہوگا اور مکمل طور پر ویکسین بھی لگائی ہونی چاہیے۔ انہیں ایونٹ تک جسمانی طور پر رسائی حاصل کرنے کے لیے اپنا گرین پاس اور پچھلے 48 گھنٹوں میں حاصل کردہ منفی COVID-19 PCR ٹیسٹ بھی پیش کرنا ہوگا۔