پاکستانی خبریںخلیجی خبریں

پاکستان میں بینکس اگلے ہفتے سے حج درخواستوں کی وصولی شروع کردیں گے۔

خلیج اردو: وفاقی حکومت نے بالآخر حج 2023 کے لیے درخواستوں کی منظوری کی تاریخوں کا اعلان کر دیا ہے۔
وفاقی وزیر برائے مذہبی امور اور بین المذاہب ہم آہنگی مفتی عبدالشکور نے وفاقی کابینہ کی جانب سے حج پالیسی 2023 کی منظوری کے بعد ایک باضابطہ پریس کانفرنس میں تاریخوں کا انکشاف کیا۔

تفصیلات کے مطابق حج درخواستیں جمع کرانے کا سلسلہ 16 مارچ بروز جمعرات سے شروع ہوگا اور 31 مارچ بروز جمعہ کو اختتام پذیر ہوگا۔ حج درخواستوں کی قرعہ اندازی اپریل کے پہلے ہفتے میں ہوگی۔

لہذا، دلچسپی رکھنے والے درخواست دہندگان کو کسی بھی قسم کی تکلیف سے بچنے کے لیے ضروری دستاویزات پہلے سے تیار رکھنے کی ضرورت ہے۔

وفاقی وزیر نے کہا کہ عالمی کساد بازاری نے پاکستان اور سعودی عرب دونوں کو یکساں طور پر متاثر کیا ہے۔ پاکستانی روپے کی قدر میں کمی کے باعث سرکاری سکیم کے تحت حج کے اخراجات میں 3 لاکھ روپے کا اضافہ ہوا ہے۔

وزیر نے مزید کہا کہ اسپانسر شپ اسکیم کی بھی منظوری دی گئی ہے۔ اگر اس سکیم کا پورا کوٹہ استعمال کیا جاتا ہے تو یہ اس سال کی حج سکیم کے کامیاب نفاذ کے لیے درکار 284 ملین ڈالر میں سے 194 ملین ڈالر فراہم کرے گی۔ وزارت خزانہ نے بقیہ اخراجات پورے کرنے کی یقین دہانی کرائی ہے

متعلقہ مضامین / خبریں

Back to top button