خلیج اردو: دبئی کورٹ آف فرسٹ انسینس نے 27 سالہ بے روزگار شخص ، جس نے مبینہ طور پر نائف کے ایک فلیٹ پر ڈکیتی کی واردات کی تھی ، اس کے کیس کی دوبارہ سماعت کی۔
اس کیس میں ایک اماراتی پر الزام ہے کہ اس نے چار نائیجیرین افراد سے 551،200 درہم، 15 موبائل فون ، لیپ ٹاپ لوٹ لئے اور ایک اور واردات میں 91،100 درہم چوری کرنے کی کوشش کی۔
اس پر ساتھیوں کے ساتھ جعلی پولیس افسر بننے کا الزام بھی عائد کیا گیا ہے (اسکے کچھ ساتھیوں کو تین سال قید اور کچھ کو ملک بدری کی سزا سنائی گئی ہے)۔
گذشتہ سال 23 جولائی کو نائف پولیس اسٹیشن میں شکایت درج کی گئی تھی اور مدعا علیہ کو حراست میں رکھا گیا ہے۔
ایک 33 سالہ نائیجیرین ملازم نے عوامی استغاثہ کی تفتیش کے دوران بتایا کہ گذشتہ سال 22 جولائی کی صبح 8 بجے کے قریب اس نے کمپنی کے دفتر سے 551،200 درہم وصول کئے تاکہ وہ رقم کو ٹرانسپورٹ کمپنی میں اپنے اکاؤنٹ میں جمع کروائے۔ جب وہ وہاں رقم جمع کروانے گیا تو اسکو بتایا گیا کہ اگلے دن آجاؤ۔
"میں نے اپنے بستر کے نیچے دراز میں 91،100 درہم کی رقم رکھی تھی۔ اس وقت پوری رقم 642،300 درہم تھی۔ میں وہاں سے چلا گیا اور 23 جولائی کی صبح 1 بجے کے بعد واپس آیا۔ میں کھانا تیار کر رہا تھا جب ہم نے (فلیٹ میٹ سمیت) محکمہ فوجداری کے تفتیشی محکمہ (سی آئی ڈی) کے 4 افسروں کو فلیٹ میں اندر گھستے ہوئے دیکھا۔
مرکزی ملزم ، جو سامنے تھا اور دوسروں کی طرف سے بات کر رہا تھا اس نے مبینہ طور پر پولیس اہلکار کے طور پر یقین دلانے کیلئے ایک آئی ڈی کارڈ جیب سےنکالا۔ ہمیں بتایا گیا کہ ہمیں اپنی شناختی دستاویزات نکالیں جو ہم نے کیا۔ ہم نے کوئی ممنوعہ چیز رکھنے سے انکار کیا۔ میں اسکو وہاں لے گیا جہاں رقم پڑی تھی جس پر ملازم نے دھمکی دی کہ اگر میں نے رقم اسکے حوالے نہ کی تو ہم کو سنگین نتائج بھگتنا پڑینگے۔
چونکہ جعلی پولیس (بھاگنے والے ساتھی) فلیٹ کی تلاشی لے رہے تھے ، شکایت کنندہ کو بتایا گیا کہ وہ یہ بڑی رقم لے کر ان کے ساتھ تھانے چلے۔
تاہم ، جب وہ عمارت سے نیچے گئے اور جب مشتبہ افراد نے پولیس اسٹیشن جانے کے لئے ایک ٹیکسی روکی تو شکایت کنندہ کو احساس ہوا کہ وہ جعلی پولیس اہلکار ہیں۔ "میں نے مرکزی ملزم پر قابو پایا لیکن اس نے پہلا پیکٹ ( 551،200 درہم) اپنے دوستوں کو پھینک دیا جو پھر ٹیکسی میں فرار ہوگئے۔ ان میں سے ایک نائیجیرین تھا اور میری مدد کرنے میں ناکام رہا۔ اس کے بجائے ، اس نے مجھ سے تصدیق کی کہ اس کا ساتھی سی آئی ڈی افسر تھا۔
ملازم کے تینوں نائیجیرین فلیٹ میٹس نے تحقیقات کے دوران اپنے بیان کی تصدیق کی۔
ایک پولیس افسر نے بتایا کہ انہیں صبح تقریبا 3.10 بجے کے قریب فریج المرار میں ایک عمارت میں ڈکیتی کی واردات کے بارے میں معلوم ہوا۔ “ہم نے لوگوں کا ہجوم دیکھا اور مرکزی ملزم بھی جائے وقوعہ پر پکڑا گیا پھر ہم نے اسے پولیس گشتی وین میں ڈال دیا۔
اس مقدمے کی سماعت 26 دسمبر تک ملتوی کردی گئی ہے۔
