خلیج اردو: متحدہ عرب امارات نے ہندوستان ، پاکستان ، بنگلہ دیش اور کچھ دوسرے ممالک سے سفر کرنے والے مسافروں کے لیے لازمی قرار دیا ہے کہ وہ روانگی سے چھ گھنٹے قبل ہوائی اڈوں پر ریپڈ پی سی آر ٹیسٹ کریں۔
اس سلسلے میں ایک بنگلہ دیشی وزیر نے کہا ہے کہ بنگلہ دیش حکومت اپنے متحدہ عرب امارات جانے والے کارکنوں کے لیے ڈھاکا ہوائی اڈے پر ریپڈ کوویڈ 19 پی سی آر ٹیسٹ کا خرچہ برداشت کرے گی۔
ہفتے کے روز ابوظہبی میں بنگلہ دیشی سفارت خانے میں خطاب کرتے ہوئے بنگلہ دیش کے وزیر برائے تارکین وطن بہبود اور بیرون ملک روزگار عمران احمد نے کہا کہ ان کی وزارت متحدہ عرب امارات جانے والے مزدوروں کے لیے 1،600بنگلہ دیشی ٹکے ( 69 درہم) کا خرچہ برداشت کرے گی۔
"بیرون ملک کام کرنے والے مزدور ہمارے ملک کے ترسیلی نظام کے فائٹرز ہیں۔ ملکی معیشت میں ان کی شراکت ناقابل تردید ہے۔ حکومت ان کی فلاح و بہبود کو یقینی بنانے کے لیے کام کر رہی ہے۔ اس کے ایک حصے کے طور پر ، وزارت ایئرپورٹ پر کوویڈ 19 کے ٹیسٹ کے لیے 1،600 ٹکے ادا کرے گی، ان مزدوروں کی جگہ پر جو متحدہ عرب امارات مزدوری کرنے جا رہے ہوں ، ” یونائیٹڈ نیوز آف بنگلہ دیش (یو این بی) نے وزیر کے حوالے سے کہا ۔
متحدہ عرب امارات نے ہندوستان ، پاکستان ، بنگلہ دیش اور کچھ دوسرے ممالک سے سفر کرنے والے مسافروں کے لیے لازمی قرار دیا ہے کہ وہ روانگی سے چھ گھنٹے قبل ہوائی اڈوں پر ریپڈ پی سی آر ٹیسٹ کریں۔
گلوبل میڈیا کے مطابق ، بنگلہ دیشی شہری متحدہ عرب امارات میں تیسری بڑی غیر ملکی افرادی قوت ہیں ، جو ملک کی 8.44 ملین غیر ملکی آبادی کا 7.4 فیصد بنتے ہیں۔
