خلیج اردو: گلف ایئر، بحرین کی قومی فضائی کمپنی نے کہا ہے کہ ایئر لائن کو اسکائی ٹریکس ورلڈ ایئر لائن ایوارڈز 2022 میں دنیا کی سب سے بہتر ایئر لائن کا فاتح قرار دیا گیا ہے۔ ایوارڈ تقریب لنگھم ہوٹل، لندن میں منعقد ہوئی جسمیں گلف ایئر کو اسکی بہتر حکمت عملی کیلئے ایوارڈ سے نوازا گیا۔
جناب زید آر الزیانی، وزیر صنعت و تجارت، اور گلف ایئر کے بورڈ آف ڈائریکٹرز کے چیئرمین نے تبصرہ کیا کہ "ہمیں اپنی حکمت عملی کی کامیابی پر بہت مشکور اور فخر محسوس کررہے ہیں، جسکا اظہار اس باوقار ایوارڈ جیت کر ہوتا ہے۔ یہ گلف ایئر کی افرادی قوت اور انتظامی ٹیم کے عزم اور جذبے کی وجہ سے ممکن ہوا جو ایئرلائن کے مستقبل کے لیے انتھک محنت کر رہے ہیں اور بحرین کی معیشت میں معاون ثابت ہورہے ہیں۔ ٹرانسپورٹ اور سیاحت ہمارے اثاثوں میں سے ایک ہے اور میں اس مقصد کو حاصل کرنے کے لیے ان سب کا شکریہ ادا کرتا ہوں اور مبارکباد پیش کرتا ہوں”۔
دنیا کی سب سے بہتر ایئر لائن ایک اہم ایوارڈ ہے جو پورے ورلڈ ایئر لائن ایوارڈز پروگرام میں ایئر لائن کے معیار میں بہتری کی عکاسی کرتا ہے،
اپنی طرف سے، کیپٹن ولید علاوی، گلف ایئر کے قائم مقام چیف ایگزیکٹیو آفیسر نے کہا کہ "گلف ایئر کے لیے نئی شکل و صورت، اس کے نئے بیڑے، نئے نیٹ ورک، اور نئی مصنوعات اور خدمات کے ساتھ وہ تمام بہتری ہیں جو کل کی گلف ایئر کی نمائندگی کرتی ہیں۔ ہم ان تمام کامیابیوں کا بے تابی سے انتظار کرتے ہیں جو مستقبل میں ہمارے لیے محفوظ ہیں، اور آج ہم نے یہ اسکائی ٹریکس ایوارڈ جیت کر ثابت کردیا ہے کہ ہم ان کامیابیوں کے لیے صحیح راستے پر گامزن ہیں۔
ورلڈ ایئر لائن ایوارڈز کا آغاز 1999 میں ہوا، جب اسکائی ٹریکس نے اپنا پہلا عالمی، سالانہ ایئر لائن صارفین کے اطمینان کا سروے شروع کیا۔ 2021-2022 کے سروے میں 100 سے زیادہ صارفین کی قومیتوں نے حصہ لیا، اور دنیا بھر کے مسافر ہر سال فاتحین کا فیصلہ کرنے کے لیے دنیا کے سب سے بڑے ایئر لائن مسافروں کے اطمینان کے سروے میں حصہ لیتے ہیں۔
