خلیج اردو: اسرائیلی پولیس نے بتایا کہ اس ہفتے کے شروع میں شمالی اسرائیل کی ایک ہائی سکیورٹی جیل سے فرار ہونے والے چھ فلسطینی قیدیوں میں سے دو کو ہفتے کی صبح پکڑلیا گیا ہے۔
پولیس نے کہا کہ "فرار ہونے والے دو مزید قیدی تھوڑی دیر پہلے پکڑے گئے تھے جب وہ ٹرکوں کے لیے پارکنگ میں چھپے ہوئے تھے”۔
اس سے قبل ، اسرائیلی فوج کے ریڈیو نے اعلان کیا تھا کہ "دو فلسطینی قیدی جو چند روز قبل گلبوہ جیل سے فرار ہوئے تھے ،” وہ محمود ارادہ اور یعقوب قادری دو قیدی ہیں جنہیں جبل القفضے کے قریب ، ناصرت کے جنوب میں گرفتار کیا گیا تھا ۔
چھ قیدیوں کو ایک ہی سیل میں رکھا گیا تھا جو ایک سرنگ کے ذریعے فرار ہوئے جو انہوں نے کئی مہینوں کے دوران کھودی تھی۔
اسرائیلی جیل سروس نے ایک سیل کے باتھ روم میں سنک کے نیچے کھودی ہوئی ایک تنگ سرنگ دکھاتے ہوئے تصاویر اور ویڈیوز شائع کیں۔
اسرائیلی فوج نے ایک بیان میں کہا کہ فوج نے گلبوہ جیل سے فرار ہونے والے قیدیوں کے تعاقب میں مدد کی اور اس مشن کو انجام دینے کے لیے طیارے بھی مختص کیے۔
