خلیج اردو: ایکسپو 2020 دبئی کے جوبلی اسٹیج پر کل 28 نومبر کو رواداری اور شمولیت کا جشن منانے والی ایک مسحور کن شام ہوگی۔
پاکستان پویلین کے زیر اہتمام، موٹیویشنل سپیکرز اور فنکاروں کی ایک بڑی لائن اپ ‘پاکستان – کنیکٹڈ تھرو ڈائیورسٹی ‘ تھیم کے ذریعے اکٹھے ہوں گے۔
منیبہ مزاری، جسے ’آئرن لیڈی‘ بھی کہا جاتا ہے اور ایک مشہور موٹیویشنل سپیکر بھی ہیں، وہ مساوات، شراکت اور رواداری پر سامعین سے خطاب کریں گی۔
یہ تقریب 28 نومبر کو رات 8 بجے جوبلی سٹیج پر شروع ہوگی۔
شام کے پروگرام میں مختلف پاکستانی میوزیکل ٹیلنٹ کی پرفارمنسز بھی پیش کی جائینگی ۔
ایوارڈ یافتہ گلوکارہ میشا شفیع کل جوبلی اسٹیج پر لائیو پرفارم کریں گی۔ میشا شفیع ایک عالمی سطح پر پہچانے جانے والی پاکستانی نژاد کینیڈین فنکارہ ہیں، جو 21 سال پر محیط ایک شاندار کیریئر کے دوران اپنی ماڈلنگ، اداکاری اور موسیقی کے لیے جانی جاتی ہیں۔
