شارجہ نے ہوائی اڈے پر آنے والے مسافروں کے لئے نئے رہنما قواعد جاری کردئیے

خلیج اردو: شارجہ میں ایمرجنسی ، کرائسس اینڈ ڈیزاسٹر مینجمنٹ ٹیم (ای سی ڈی ایم ٹی) نے منگل کو شارجہ انٹرنیشنل ایئرپورٹ کے ذریعے ملک آنے والے مسافروں کے لئے جدید پروٹوکولز کا اعلان کردیا۔

شارجہ پہنچنے والے تمام مسافروں کو شارجہ روانگی سے 72 گھنٹے قبل منفی COVID-19 پی سی آر ٹیسٹ کی رپورٹ پیش کرنا ہوگی۔ اس سے قبل ، پی سی آر ٹیسٹ کی میعاد 96 گھنٹے تھی ، جسے گھٹا کر 72 کردیا گیا ہے۔ ای سی ڈی ایم ٹی نے تصدیق کی کہ یہ فیصلہ جاری ہونے کے 5 دن بعد نافذ ہوگا۔

تازہ ترین پروٹوکول میں یہ شرط رکھی گئی ہے کہ ٹیسٹ کا نتیجہ منفی ہونا چاہئے۔ اس کے علاوہ ، امارات شارجہ کی بندرگاہوں پر پہنچنے پر مسافر COVID-19 پی سی آر ٹیسٹ کے تحت ہوں گے۔

یہ اقدام امارات کی خواہش کا ایک حصہ ہے کہ کمیونٹی ممبرز کی حفاظت کو حفاظتی پروٹوکول اور کورونا وائرس کے پھیلاؤ کو روکنے کے اقدامات کے مطابق بنایا جاسکے۔

شارجہ میں ای سی ڈی ایم ٹی کے ذریعہ اعلان کردہ تازہ ترین معلومات میں یہ بھی بتایا گیا ہے کہ بیرونی پروازوں کے مسافروں کو روانگی سے 72 گھنٹے قبل منفی COVID-19 پی سی آر ٹیسٹ پیش کرنا ہوگا۔ ای سی ڈی ایم ٹی نے مزید کہا کہ بیرون ملک سفر کرتے وقت ہیلتھ انشورنس کے ساتھ ملک میں اختیار کیے جانے والے حفاظتی اقدامات پر عمل پیرا ہونا بھی ضروری ہے۔