ایکسپو 2020 سائٹ پر ٹیکسیوں کو ‘خود بخود روانہ’ کیا جائے گا۔

خلیج اردو: چونکہ متحدہ عرب امارات کا میگا ایونٹ ایکسپو 2020 کچھ ہی دن بعد متوقع ہے، اسلئے دبئی کی روڈز اینڈ ٹرانسپورٹ اتھارٹی نے ہالا کے تعاون سے ایکسپو 2020 کے اقدام میں ٹیکسیوں کی ’’ آٹو ڈسپیچ ‘‘ سروس متعارف کرائی ہے۔

ہالا ، روڈز اینڈ ٹرانسپورٹ اتھارٹی اور کریم کے مابین جوائنٹ وینچر ، گاہکوں کو کریم ایپلی کیشن کے ذریعے دبئی میں کوئی بھی ٹیکسی بک کرنے کے قابل بناتا ہے۔

کریم ٹیکسیوں کی تیار کردہ اس جدید ٹیکنالوجی کو استعمال کرتے ہوئے مطلوبہ ڈیمانڈ کی بنیاد پر خود بخود ایکسپو 2020 میں بھیج دیا جائے گا۔

ایکسپو 2020 سائٹ پر گاڑیاں خود بخود ڈسپیچ کی درخواستیں وصول کریں گی جو کہ دن کے ہر گھنٹے پر درکار ٹیکسیوں کی مطلوبہ تعداد کی بنیاد پر ہوگی۔

عرب خطے میں پہلی بار شروع کیے گئے اس اقدام کا مقصد ٹیکسیوں کی بروقت اور موثر ترسیل ہے ، جو کہ ایکسپو زائرین کے لیے اہم ہے ، اور ان کے سفر کے تجربے کو بڑھانا ہے۔

اس سے ایکسپو زائرین کو ایپلی کیشن کے ذریعے ٹیکسیوں کی بکنگ میں آسانی ہو گی

صارفین اپنے موبائل کے ذریعے فوری طور پر بکنگ کرنے ، کسی بھی ڈرائیور سے رابطہ قائم کرنے اور فوری طور پر زیرو ویٹنگ ٹائم کے ساتھ اپنے سفر پر روانہ ہونے کے لیے ون ٹائم پاس ورڈ (او ٹی پی) حاصل کریں گے