خلیج اردو: مشہور دبئی شاپنگ فیسٹیول 15 دسمبر 2021 سے 29 جنوری 2022 تک اپنے 27 ویں ایڈیشن کی واپسی کے لیے مکمل طور پر تیار ہےجس میں رہائشیوں اور سیاحوں کو مختلف قسم کے جدید ایونٹس، عالمی معیار کی تفریح، میگا ریفلز اور پروموشنز کی پیشکش کی گئی ہے۔ EXPO 2020 اور متحدہ عرب امارات کی گولڈن جوبلی تقریبات کے ساتھ ہم آہنگ یہ تقریب شہر کی پوزیشن کو ایک کثیر الجہتی مقام کے طور پر مزید تقویت بخشتی ہے جو اس کے تفریحی شعبوں میں سرگرمیوں کی بڑھتی ہوئی رفتار میں اضافہ کرتی ہے۔ دبئی فیسٹیولز اینڈ ریٹیل اسٹیبلشمنٹ (DFRE) کے زیر اہتمام دبئی کے فلیگ شپ فیسٹیول کا تازہ ترین ایڈیشن دنیا کے سامنے شہر میں واپس آنے والی رونقوں کو اجاگر کرے گا جس میں جدید تقریبات، کنسرٹس، ناقابل یقین ڈرون شوز، آتش بازی کی نمائشیں شامل ہیں۔ عالمی برانڈ تعاون، زندگی بدل دینے والے میگا ریفلز، پروموشنز اور آفرزمقامی اور عالمی برانڈز کی ایک رینج میں یہ فیسٹیول رہائشیوں اور سیاحوں کو 46 روزہ تقریب کے دوران غیر معمولی تجربات سے لطف اندوز ہونے کا موقع فراہم کرے گا۔ دبئی فیسٹیولز اینڈ ریٹیل اسٹیبلشمنٹ (DFRE) کے سی ای او احمد الخاجہ نے کہاکہ متحدہ عرب امارات کے نائب صدر، وزیر اعظم اور دبئی کے حکمران عزت مآب شیخ محمد بن راشد آل مکتوم کی دور اندیش قیادت سے متاثر ہو کر شہر نے تہواروں اور تقریبات کا اہتمام کرتے وقت توقعات سے زیادہ ترقی کی ہے۔ انہوں نے کہا کہ دبئی دنیا بھر کے تمام سیاحوں کے لیے کھلا ہے اور ہم اس تاریخی سال کے دوران ایک غیر معمولی دبئی شاپنگ فیسٹیول شروع کریں گے جس میں یہ شہر ایکسپو 2020 کی میزبانی کر رہا ہے اور ملک کی گولڈن جوبلی منا رہا ہے۔ انہوں نے کہا کہ اپنی نوعیت کا سب سے طویل چلنے والا اور کامیاب ترین شاپنگ فیسٹیول کیلئے ہم اپنے شراکت داروں کے تہہ دل سے شکرگزار ہیں
