خلیجی خبریںمتحدہ عرب امارات

سعودی عرب اور متحدہ عرب امارات کے درمیان صحرا میں طویل ریلوے ٹریک مکمل ہوگیا

خلیج اردو: متحدہ عرب امارات میں بچھایا جانے والا نیٹ ورک اصل میں خلیجی تعاون کونسل کے ایک طویل المدتی منصوبے کا حصہ ہے، اس پلان کے تحت خلیجی تعاون کونسل کی رکن سبھی ریاستوں کو ایک دوسرے سے منسلک کیا جانا ہے۔

اتحاد ریل نے 139 کلومیٹر طویل ٹرین ٹریک مکمل کر لیا ہے جس کے تحت متحدہ عرب امارات کو سعودی عرب کے ساتھ جوڑا گیا ہے۔ عرب نیوز کے مطابق قومی ریلوے منصوبے کے تحت کل 1200 کلومیٹر طویل ٹرین ٹریک تعمیر کیا جا رہا ہے۔

امارات کے سرکاری ٹرانسپورٹ آپریٹر نے کہا ہے کہ منصوبے کے دوسرے اسٹیج کے پہلے پیکج پر کام مکمل ہو چکا ہے جس میں حال ہی میں مکمل ہونے والا ٹریک بھی شامل ہے جو ابو ظبی کے مغربی شہر الغویفات سے جوڑتا ہے۔

عرب نیوز کے مطابق قومی ریلوے منصوبے کے تحت نہ صرف متحدہ عرب امارات کی سات ریاستوں کو آپس میں جوڑا جائے گا بلکہ ہمسایہ خلیجی ممالک کے ساتھ بھی لنک قائم ہوگا۔

کمپنی کی جانب سے جاری بیان میں کہا گیا ہے کہ 1200 کلومیٹر طویل ریل منصوبہ شیڈیول کے مطابق تکمیل کے قریب ہے جس کی ابتدائی لاگت کا اندازہ 40 ارب درہم لگایا گیا ہے۔

علاوہ ازیں یہ ریلوے نیٹ ورک اپنی تکمیل کے بعد ‘اتحاد ریل‘ کہلائے گا، متحدہ عرب امارات کی سات وفاقی ریاستوں میں اس نیٹ ورک کی لمبائی ایک ہزار دو سو کلو میٹر ہو گی۔

ابوظہبی کے انتہائی مغرب میں واقع ایک چھوٹے سے گاؤں الغویفات سے شروع ہوکر ریل کی پٹڑی باقی ریاستوں سے گزرتی ہوئی مشرقی ساحل پر واقع ریاست فجیرہ تک جائے گی۔

متعلقہ مضامین / خبریں

Back to top button