خلیج اردو: راس الخیمہ میونسپلٹی ڈیپارٹمنٹ کے کسٹمر سروس سینٹر میں جانے کے خواہشمند رہائشیوں کو اب کوڈ 19 ویکسین کا ٹیکہ لگانے کی ضرورت ہوگی اور صرف ویکسینیٹڈ افراد ہی اس مرکز میں داخلے کے اہل ہونگے۔
سرکاری خبر رساں ایجنسی وام نے اطلاع دی ہے کہ صرف وہی افراد جن کو ویکسین کی دونوں خوراکیں موصول ہوئی ہیں ، انہیں ہی اندر جانے کی اجازت ہوگی۔ ساتھ ہی اس دورے سے کم سے کم دو ہفتے قبل انہیں اپنی دوسری خوراک ضرور مل گئی ہو۔
یہ سب میونسپلٹی کے اعلان کردہ کوویڈ سیفٹی پروٹوکولز میں شامل ہیں جو پیر ، 8 فروری سے نافذ العمل ہونگی۔
مرکز میں داخل ہونے سے قبل صارفین کو ماسک پہننا ، معاشرتی دوری برقرار رکھنا اور جسمانی درجہ حرارت کی جانچ پڑتال کرنا ہوگی۔
