خلیج اردو
اسلام آباد : وزیراعظم پاکستان عمران خان نے اقوام متحدہ کی جانب سے اسلاموفوبیا کے خلاف دن منانے سے متعلق قرارداد کا خیرمقدم کیا ہے۔
منگل کو انہوں نے مسلم امہ کو مبارک باد پیش کی اور اقوام متحدہ سے منظور شدہ قرارداد کو سنگ میل قرار دیا ہے۔
وزیر اعظم نے کہا کہ اسلاموفوبیا کے خلاف ہماری آواز سن لی گئی ہے۔
قرارداد کو او آئی سی کے 57 رکن ممالک نے دستخط کیے ہیں۔ اس کے علاوہ چین اور روس سمیت دیگر اٹھ ممالک نے بھی حمایت کی ہے۔
قراداد میں ہر قسم کی مذہبی منافرت کی مذمت کی گئی ہے۔ مذاہب کے عبادت گاہوں کی توہین کا انسداد ، تمام عقائد کا احترام قرارداد کے مندرجات میں سے ہیں۔
وزیر اعظم عمران خان نے ہے کہ آج مسلمانوں کیلئے ایک تاریخی دن ہے۔ دن نے پاکستان کا مطالبہ مان لیاہے۔
اپنے ٹویٹ میں وزیر اعظم عمران خان کا کہنا ہے کہ میں آج امت مسلمہ کو مبارکباد دینا چاہتا ہوں کیونکہ اسلامو فوبیا کے بڑھتے ہوئے لہر کے خلاف ہماری آواز سنی گئی ہے اور اقوام متحدہ نے او آئی سی کی جانب سے پاکستان کی جانب سے متعارف کرائی گئی ایک تاریخی قرارداد منظور کی ہے۔
I want to congratulate the Muslim Ummah today as our voice against the rising tide of Islamophobia has been heard & the UN has adopted a landmark resolution introduced by Pakistan, on behalf of OIC, designating 15 March as International Day to Combat Islamophobia.
— Imran Khan (@ImranKhanPTI) March 15, 2022
قرارداد میں 15 مارچ کو اسلامو فوبیا سے نمٹنے کا عالمی دن قرار دیا گیا ہے۔
مسٹر خان کا کہنا ہے کہ آج اقوام متحدہ نے بالآخر دنیا کو درپیش سنگین چیلنج کو تسلیم کر لیا ہے۔
Today UN has finally recognised the grave challenge confronting the world: of Islamophobia, respect for religious symbols & practices & of curtailing systematic hate speech & discrimination against Muslims. Next challenge is to ensure implementation of this landmark resolution.
— Imran Khan (@ImranKhanPTI) March 15, 2022
انہوں نے کہا ہے کہ اسلامو فوبیا، مذہبی علامات اور طریقوں کا احترام اور مسلمانوں کے خلاف منظم نفرت انگیز تقریر اور امتیازی سلوک کو کم کرناقرارداد کے مندرجات ہیں۔ اگلا چیلنج اس تاریخی قرارداد پر عمل درآمد کو یقینی بنانا ہے۔
اس سے قبل وفاقی وزیر اطلاعات فواد چوہدری نے ایک ٹویٹ میں کہا تھا کہ الحمدللّٰہ مسلم آمہ کیلئے ایک عظیم کامیابی مل گئی ہے۔ وزیر اعظم اس کامیابی کا اعلان کریں گے۔
الحمدللّٰہ مسلم آمہ کیلئے ایک عظیم کامیابی ۔۔۔ وزیر اعظم اس کامیابی کا اعلان کریں گے
— Ch Fawad Hussain (@fawadchaudhry) March 15, 2022
پاکستان کے وزیر اعظم عمران خان متواتر اسلاموفوبیا کے خلاف آواز اٹھاتے رہے ہیں۔