خلیج اردو
17 ستمبر 2020
لاہور: پاکستان میں موٹروے پر خاتون کے ساتھ بچوں کے سامنے مبینہ زیادتی کے واقعے کے بعد عوام میں غم و غسہ پایا جارہا ہے۔عوام کی جانب سے واقعے کے ذمہ داران کو سخت سزائیں دینے کا مطالبہ کیا جارہا ہے۔
ایسے میں ایک بار پھر خواتین اپنے ساتھ پیش آئے ہراسانی کے واقعات کا ذکر کررہی ہیں۔ پاکستان کی خوبرو اداکارہ انوشے اشرف نے موٹروے واقعہ کا ذکر کرتے ہوئے سوشل میڈیا پر لکھا ہے کہ ایک مرتبہ ان کا بازار جانا ہوا، میں نے خود کو سر سے پیر تک ڈھکا ہوا تھا اور کوئی میک اپ نہیں کیا ہوا تھا۔ اس روز میرے بالوں میں تیل بھی لگا ہوا تھا یہاں تک کہ انہیں کوئی پہچان نہیں سکتا تھا لیکن اس حلیے میں بھی مارکیٹ میں کسی نے انہیں چٹکی کاٹی۔
The ONE time I had my behind pinched at the market was when I was covered from head to toe, dupatta on, zero makeup and oil in my hair…RAPISTS rape people, not outfits. Save the behayai rant for another day please. Stop deviating and victim blaming! #MotowayIncident
— Anoushey Ashraf (@Anoushey_a) September 13, 2020
اداکار اور ہوسٹ انوشے نے موقف اختیار کیا ہے کہ خواتین کو ہراساں اور زیادتی کرنے والے لوگ یہ نہیں دیکھتے کہ خاتون حیادار ہے یا بے حیا اسی لیے بے حیائی کو ریپ کی وجہ قرار دینا بے وقوفی ہے۔
