مارگلہ کی پہاڑیوں میں غیرملکی سفارتکار راستے بھول گئے ، اسلام آباد پولیس کا احسن اقدام، دونوں سفارتکاروں کو تلاش کر لیا گیا۔

خلیج اردو
20 ستمبر 2020
اسلام آباد: پاکستان کے دارلحکومت اسلام آباد میں پولیس نے دو غیر ملکی سفارتکاروں کو ریسکیو کرلیا ہے۔

ترجمان اسلام آباد پولیس کے مطابق مارگلا کی پہاڑیوں پر جانے والے دو سفارت کار راستہ بھول گئے تو اس کی اطلاع ملتے ہی پولیس نے بھاری نفری لے کر پہاڑوں میں سفارتکاروں کی تلاش شروع کی اور کئی گھنٹوں کی آپریشن کے بعد انہیں باحفاظت تلاش کر لیا گیا۔

اسلام آباد پولیس کے ڈی آئی جی آپریشنزن کے مطابق ہنگری کے سفارت خانہ کے سیکنڈ سیکرٹری اور خاتون اتاشی صبح 7 بجے ٹریل سکس پر گئے تھے ۔ہنگری سفارت خانہ نے رات 9 بجے ٹریل پر جانے والے سفارت کاروں کے واپس نہ آنے بارے اطلاع دی جس کے بعد پولیس کی بھاری نفری مارگلا کی پہاڑیوں پر سفارت کاروں کی تلاش شروع کی اور کئی گھنٹوں کی کوششوں کے بعد دنوں سفارتکاروں کو باحفاظت تلاش کر لیا گیا ۔

مارگلہ کی پہاڑیوں پر جانے والے دو سفارت کار راستہ بھول گئے۔

متعلقہ مضامین / خبریں

• 
  سائفر سابق پرنسپل سیکرٹری اعظم خان نے وصول کیا تو حفاظت کی ذمہ داری بھی ان کی تھی،عمران خان کے وکیل نے سائفر کیس میں دلائل مکمل کر لیے

  3 دن پہلے

پولیس نے اطلاع ملنے پر دونوں سفارت کاروں کو بحفاظت تلاش کر لیا۔آئی جی اسلام آباد محمد عامر ذوالفقار خان نے ڈی آئی جی آپریشنز کی بروقت مدد کو سراہتے ہوئے پولیس کی پوری ٹیم کو شاباش دی۔#IslamabadPolice pic.twitter.com/dbLvbNvqIe

— Islamabad Police (@ICT_Police) September 19, 2020

ترجمان کیپٹل پولیس کے مطابق ائی جی اسلام آباد محمد عامر ذوالفقار خان نے ڈی آئی جی آپریشنز کی بروقت مدد کو سراہتے ہوئے پولیس کی پوری ٹیم کو شاباش دی ہے۔