خلیج اردو:
راولپنڈی:پاک فوج کے تعلقات عامہ کے شعبےکی جانب سے جاری تفصیلات کے مطابق پاک فوج کے سپہ سالار جنرل قمر جاوید باجوہ نے نگرپارکر کا دورہ کیا، آرمی چیف نے جوانوں کیساتھ مصروف دن گزارا۔۔۔مقامی کمانڈر نے جنرل قمر جاوید باجوہ کو فارمیشن کی آپریشنل تیاریوں پر بریفنگ دی۔
پاک فوج کے سربراہ نے جوانوں کے بلند حوصلے اور عزم کو سراہا، اپنے خطاب میں جنرل قمر جاوید باجوہ نے کہا کہ جوان اپنی پوری توجہ پیشہ ورانہ ذمہ داریوں اور تربیت پر دیں، بہتر تربیت سے کسی بھی چیلنج کا مؤثر جواب دیا جا سکتا ہے۔
آرمی چیف نے بعدازاں مقامی ہندو برادری سے بھی ملاقات کی۔آرمی چیف نے اس موقع پر کہا کہ تمام اقلیتیں پاکستان میں برابر کے شہری ہیں۔اقلیتوں کا تحفظ ریاست کی ذمہ داری ہے۔ہندو برادری نے اقلیتوں کو محفوظ ماحول فراہم کرنے پر پاکستان کی کوششوں کا اعتراف کیا اور اس عزم کا اعادہ کیا کہ ہندو برادری ملک کی ترقی اور استحکام کیلئے کردار ادا کرتی رہے گی۔ کور کمانڈر کراچی اور ڈی جی رینجرز بھی آرمی چیف ہمراہ تھے۔
