خلیج اردو: پاکستان کے وزیراعظم عمران خان نے کہا ہے کہ ان کی حکومت ‘جزا اور سزا کا ایک نیا نظام متعارف کروا رہی ہے جس کے تحت سرکاری ملازمین کا تبادلہ نہیں کیا جائے گا لیکن اگر انہیں بدعنوانی اور بے ضابطگیوں میں ملوث پایا گیا تو انہیں ملازمت سے برطرف کردیا جائے گا۔
میڈیا سے جمعہ کے روز وزیر اعظم ہاؤس میں پاکستان سٹیزن پورٹل کے دو سال مکمل ہونے پر منعقدہ تقریب سے خطاب کرتے ہوئے کہا ، "ہم ایک کرپٹ بیوروکریٹ کو منتقل نہیں کریں گے بلکہ انہیں برطرف کردیں گے۔”
وزیر اعظم نے دو سالوں میں 30 لاکھ شکایات کی ازالے کیلئے پاکستان سٹیزن پورٹل کی تعریف کی اور عوام سے مطالبہ کیا کہ وہ عوامی قوت کو ممکن بنانے کیلئے فورم کو استعمال کریں اور ساتھ ہی افسروں کو بھی جوابدہ رکھیں۔
"میں چاہتا ہوں کہ زیادہ سے زیادہ لوگ (سٹیزن پورٹل) استعمال کریں۔ ہم اس پورٹل کو مزید مستحکم کریں گے کیونکہ اس سے شہریوں کو شکایات درج کرنے کیلئے بہترین پلیٹ فارم مل سکے گا۔
انہوں نے مزید کہا ، "ایک وزیر اعظم کی حیثیت سے ، مجھے یہ جاننے میں بھی آسانی ہوگی کہ کون سا وزیر یا محکمہ اچھی طرح سے کام کر رہا ہے اور کون سا بیوروکریٹ خراب کارکردگی کا مظاہرہ کررہا ہے۔”
28 اکتوبر ، 2018 کو اس کے آغاز کے بعد سے ، تقریبا تیس لاکھ افراد نے پورٹل پر اپنا اندراج کیا اور 2.7 ملین شکایات رپورٹ کیں ، جن میں سے سرکاری اعداد و شمار کے مطابق 2.5 ملین افراد کے مسائل کو حل کیا گیا۔
