پاکستانی خبریں

پی ٹی آئی کا لانگ مارچ، انتظامیہ نے ہوٹل مالکان اور گیسٹ ہاؤس کے منتظمین کو لانگ مارچ کے شرکاء کو کمرے کرائے پر نہ دینے کی ہدایات جاری کردی

خلیج اردو
اسلام آباد: پاکستان تحریک انصاف کے لانگ مارچ کے پیش نظر اسلام آباد پولیس نے واضح کیا ہے کہ ہوٹل اور گیسٹ ہاؤسز کے مالکان کسی بھی لانگ مارچ میں شرکت کرنے والے کو کرائے پر کمرہ نہ دے۔

اس حوالے سے سنیئر کرائم رپورٹر شکیل قرار نے ایک ٹویٹ میں ایک ہدایت نامہ منسلک کیا ہے جس میں خلاف ورزی کرنے والوں کو خبردار کیا گیا ہے۔

پولیس کے مطابق لانگ مارچ کا خوف,اسلام آباد پولیس نے ہوٹلز اور گیسٹ ہاؤسز کیلئے حکم نامہ جاری کردیا کوئی ہوٹل / گیسٹ ہاؤس لانگ مارچ کے شرکا کو کمرے نہیں دے گاروزانہ چیکنگ ہوگی جس ہوٹل یا گیسٹ ہاؤس میں لانگ مارچ میں شریک شخص کو کمرہ دیااسکے خلاف سخت کارروائی ہوگی۔

دوسری طرف اسلام آباد پولیس نے کرایہ داری ایکٹ کے تحت مکان مالکان کو ہدایت کی ہے کہ وہ اپنے کرایہ داروں کے کوائف پولیس سہولت سنٹر میں جمع کرائیں۔

28 اکتوبر 2022 بروز جمعہ لاہور کے لبرٹی چوک سے سابق وزیر اعظم اور پارٹی چیئرمین عمران خان کی قیادت میں شروع ہونے والے پی ٹی آئی کے لانگ مارچ میں ہزاروں افراد نے شرکت کی اور حکومت سے قبل از وقت انتخابات کرانے پر زور دیا۔

لوگ عمران اور پارٹی کی اعلیٰ قیادت کو لے جانے والے کنٹینر کے ساتھ ساتھ کاروں اور موٹرسائیکلوں پر بھی پیدل مارچ کرتے ہوئے دیکھے گئے ہیں۔

متعلقہ مضامین / خبریں

Back to top button