خلیج اردو
22ستمبر 2020
اسلام آباد: ادارہ برائے تحفظ حقوق اطفال سپارک نے منگل کے روز مقامی ہوٹل اسلام آباد میں "پاکستان میں تمباکو روک تھام کی پائیدار پالیسیوں کی ضرورت” کے عنوان سے ایک سیمینار منعقد کیا۔
ڈاکٹر نوشین حامد ، پارلیمانی سیکرٹری ، وزارت قومی صحت نے پاکستان میں تمباکو کے استعمال سے متعلق خطرناک حقائق بتاۓ ۔ تمباکو نوشی پھیپھڑوں کے کینسر کی ایک بڑی وجہ ہے اور یہ پھیپھڑوں کے کینسر کی وجہ سے ہونے والی 80 فیصد اموات سے منسلک ہے۔ عالمی ادارہ صحت کی 2017 کی ایک رپورٹ کے مطابق ، پاکستان میںسالانہ 163،000 سے زیادہ افراد تمباکو کے استعمال کی وجہ سے ہلاک ہو رہے ہیں۔
انہوں نے مزید کہا کہ صحت کا یہ بوجھ خاص طور پر نوجوان آبادی پر پڑھ رہا ہے۔ پاکستان میں ہر سال 6 سے 15 سال کی عمر کے تقریبا 1200 بچے تمباکو نوشی شروع کرتے ہیں۔ انہوں نے بتایا کہ حکومت تمباکو کے استعمال سے ہونے والے صحت کے بوجھ کو کم کرنے کے لئے ایک ٹھوس پالیسی کے لئے تمباکو کے کی روک تھام کے ماہرین کے ساتھ مل کر کام کرنے کی خواہش مند ہے۔
شرکاء سے خطاب کرتے ہوئے کمپین فار ٹوبیکو فری کڈز (سی ٹی ایف کے) کنٹری ہیڈ ملک عمران احمد نے نے کہا کہ تمباکو کی روک تھام کی پالیسی اسی صورت میں پائیدار ہوگی جب اسکو صحت کے پہلو سے بڑھ کر تشکیل دیا جاۓ گا ۔ انہوں نے بتایا کہ پاکستان میں اوسطا سگریٹ نوش افراد اپنی اوسط ماہانہ آمدنی کا 10٪ سگریٹ پر خرچ کرتے ہیں۔ سب سے کم آمدنی والے گروپ میں 25.3٪ گھرانے سگریٹ پیتے ہیں جبکہ اس سے زیادہ آمدنی والے گروپ میں 16.2 فیصد گھرانے شامل ہیں۔ جب لوگ اپنی آمدنی تمباکو کی مصنوعات پر صرف کرتے ہیں تو ، ان کے پاس ضروری سہولیات جیسے بچوں کی غذائیت اور تعلیم کے لئے کم رقم رہ جاتی ہے۔ تمباکو کے ٹیکس میں اضافہ ایک ثابت شدہ پالیسی ہے جو عالمی ادارہ صحت کی سفارشات کے مطابق تمباکو کے استعمال کو کم کرنے میں مدد فراہم کرتی ہے۔ انہوں نے مزید کہا ورلڈ بینک کی رپورٹ میں کہا گیا ہے کہ پاکستان کو سگریٹ پر سالانہ ایکسائز ریٹ میں کم از کم 30 فیصد اضافہ کرنا چاہئے تاکہ سگریٹ کے استعمال میں کمی اور تمباکو کی محصولات میں اضافے کو یقینی بنایا جاسکے۔ لہذا ، انہوں نے حکومت پر زور دیا کہ وہ ایک تمباکو کنٹرول کی ایسی قومی پالیسی اپنائے ، جو تمباکو کے استعمال میں کمی ، صحت عامہ میں بہتری اور بچوں کی تعلیم و نشو نما کو یقینی بنائے۔
انہوں نے مزید کہا ، ٹیکس میں اضافے سے لوگوں کو اپنی قیمتی آمدنی تمباکو کی مصنوعات پر خرچ کرنے سے حوصلہ شکنی ہوگی ، اور ایسا کرنے سے بچوں کی غذائیت اور تعلیم جیسی ضروری خدمات کے لئے رقم کی بچت ہوگی۔
ڈاکٹر ثمرا مظہر ، ڈپٹی ڈائریکٹر (پروگرام) وزارتصحت ، نے شرکاء کو پاکستان کی تمباکو کنٹرول کی پالیسیوں کے بارے میں آگاہ کیا۔ انہوں نے پاکستان ہیلتھ ریسرچ کونسل کے حوالے سے ذکر کیا کہ متعلق ملک میں تمباکو سے متعلقہ بیماریوں اور کام میں خلل کی وجہ سے صحت پر 192 ارب کا بوجھ پڑتا ہے جبکہ اس کے مقابلے میں تمباکو ٹیکس سے حاصل ہونے والی آمدنی صرف115 ارب روپےہے ۔
ایف بی آر کے ممبر آئی آر پالیسی ، چودھری محمد طارق نے بتایا کہ پاکستان میں مالیاتی عدم توازن کو ٹھیک کرنے کے لیے زیادہ ٹیکس محصول کی ضرورت ہے۔ تمباکو ٹیکس لگانے سے حکومت کی آمدنی میں مثبت مدد مل سکتی ہے۔ ایف بی آر نے قیمتوں کے تیسرے درجے کو ختم کرنے میں کلیدی کردار ادا کیا جو ڈبلیو ایچ او کی ضروریات کے مطابق تھا جس پر پاکستان نے عمل درآمد کی یقین دہانی کروائی تھی ۔ انہوں نے مزید کہا کہ ایف بی آر کی کوشش صرف ٹیکس وصولی کرنا ہی نہیں ہے بلکہ تمباکو کے استعمال کو کم کرنا بھی ہے اور اس ضمن میں حکومت کی کسی بھی پالیسی کو سراہا جائے گا۔
تمباکو کنٹرول میں سول سوسائٹی کے کردار پر روشنی ڈالتے ہوئے ، سپارک کے ایگزیکٹو ڈائریکٹر جناب سجاد احمد چیمہ نے کہا کہ تمباکو کنٹرول کے کارکنوں نے تمباکو کے استعمال کو انسانی حقوق کا مسئلہ منوانے میں ایک اہم کردار ادا کیا ہے۔ انتھک آگاہی کے ذریعے ، سول سوسائٹی نے یہ شعور اجاگر کیا ہے کہ تمباکو کا استعمال نہ صرف صحت کا مسئلہ ہے۔ بلکہ اس میں غربت اور معاشی استحکام ، بچوں کی نشوونما ، بچوں کی تعلیم ، بچوں کی مزدوری اور یہاں تک کہ چوں کے تحفظ کےمسائل بھی شامل ہیں۔
بچوں کے حقوق کے قومی کمیشن (این سی آر سی) کی چیئر پرسن محترمہ افشاں تحسین باجوہ نے کہا کہ نیشنل نیوٹریشن سروے 2018 کے مطابق پاکستان میں 5 سال سے کم عمر کے 18 فیصد بچے شدید غذائی قلت کا شکار ہیں۔ ، اسی گروپ میں تقریبا 40 فیصد بچے اسٹنٹڈ ہیں اور 29 فیصد کم وزن ہیں۔ تمباکو کا استعمال صحت کے بوجھ میںمزید اضافہ کرتا ہے۔ تمباکو کی کمپنیاں جان بوجھ کر بچوں کو نشانہ بنانے اور ان کی مصنوعات کو کا عادی بنانے کے لیے "جان لیوا”اور مہلک "حربے استعمال کررہی ہیں۔ انہوں نے کہا کہ تمباکو کے ٹیکسوں میں اضافہ کیا جانا چاہئے جبکہ تمباکو کے اشتہاروں سے متعلق قوانین پر پوری طرح عمل درآمد کیا جانا چاہئے۔
پاکستان سینیٹ کے ممبر ، انوار الحق کاکڑ نے کہا کہ پاکستان میں تقریبا.9 87.938 ملین بچے ہیں جو پاکستان کی کل آبادی کا تقریبا 47٪ ہے۔ پاکستان کا موجودہ اور مستقبل کا انحصار حقوق کی بقا ، تحفظ اور فروغ ، اور اپنے بچوں کی ترقی پر ہے۔ حکومت نے تسلیم کیا کہ تمباکو ہمارے بچوں کے لئے ایک بڑا خطرہ ہے اور ہم اس مقصد کے حل کے لئے اپنی پوری کوشش کریں گے۔
تقریب کے اختتام پر سی ای او ہیومن ڈویلپمنٹ فاؤنڈیشن ، جناب اظہر سلیم نے کہا کہ تمباکو کی صنعت ٹیکس ، صحت سے متعلق انتباہات ، تشہیر اور فروغ کی پابندیوں ، اور تمباکو سے پاک پبلک مقامات سے متعلق پالیسیوں کے نفاذ میں رکاوٹیں کھڑی کر رہی ہے۔ پاکستانی بچوں کو تمباکو کے نقصانات سے بچانے کے لئے حکومت کو تمباکو کی بڑی صنعت سے درپیش کسی بھی چیلنج پر قابو پانے کے لئے ثابت قدم رہنے کی
