نئے سال میں دو انقلابی منصوبے مکمل کروں گا جس سے پاکستان ویلفیئر اسٹیٹ بنے گا، وزیر اعظم

خلیج اردو
یکم جنوری 2021
اسلام آباد : وزیر اعظم عمران خان نے کہا ہے کہ پاکستان کو کورونا وباء کے ساتھ غربت سے بھی بچایا ، ہم ملک کو ویلفئر اسٹیٹ بنانے کے راستے پر ہیں۔

نئے سال کے حوالے سے اپنے ٹویٹرپیغام میں وزیر اعظم نے 2020 کو کٹھن سال قرار دیتے ہوئے کہا ہے کہ کورونا وباء کی وجہ سے گزشتہ سال پوری دنیا کیلئے پریشان کن رہا تاہم اللہ تعالی کے فضل سے ہم نے دنیا کے مقابلے میں بہتر پرفارم کیا۔ ہم نے نہ صرف یہ کہ اپنے لوگوں کو بچایا بلکہ عوام کو بھوک سے بھی بچایا ۔ ہم پاکستان کو ویلفئر اسٹیٹ بنانے کے راستے پر ہیں۔

2020 was a tough year for us & for people across the world bec of Covid19. But by the grace of God we fared far better than most. We not only managed to protect our ppl but also saved them from hunger. We are moving forward to making Pakistan a Welfare State.

— Imran Khan (@ImranKhanPTI) January 1, 2021

متعلقہ مضامین / خبریں

• 
  سائفر سابق پرنسپل سیکرٹری اعظم خان نے وصول کیا تو حفاظت کی ذمہ داری بھی ان کی تھی،عمران خان کے وکیل نے سائفر کیس میں دلائل مکمل کر لیے

  15 گھنٹے پہلے

انہوں نے احساس پروگرام کے بارے میں کہا ہے کہ اس سے لوگوں کو سماجی تحفظ مل رہا ہے۔ ہیلتھ کارڈ سے غریبوں کو صحت کی سہولت دی جارہی ہے۔ نئے سال میں دو منصوبے مکمل کرنے ہیں ، تمام شہریوں کو عالمی معیار کا میڈیکل پروگرام دینا جسے کا ہم نے خیبرپختونخوا میں آغاز کیا ہے اور ہم اسے جلد پنجاب اور گلگت بلتستان میں شروع کرنے جارہے ہیں۔ ہم امید کرتے ہیں کہ دیگر صوبے بھی اس پروگرام کو شروع کریں گے۔

Our Ehsaas programme provides social security & our health card scheme provides the poor with proper medical access. My New Year resolution for 2021 is to complete two projects. One, universal health coverage to all our citizens. It has begun in KP & will soon in Punjab & GB.

— Imran Khan (@ImranKhanPTI) January 1, 2021

دوسرا پروگرام یہ ہے کہ میرا مشن ہے کہ کوئی بھوکا نہ سوئے اور اس مقصد کیلئے احساس پروگرام سے لوگوں کی مدد کررہے ہیں۔ اس سال کے اختتام پر ان دو بڑے منصوبوں کو مکمل کیا جائے گا۔ اس سے ہی ہم پاکستان کو ویلفیئر اسٹیٹ بنائیں گے۔

We hope other provinces will replicate this prog. Two, we will start our most ambitious nationwide project "Koi Bhuka Na Soyay"(No one should sleep hungry in Pak)under Ehsaas prog. By the end of the yr these 2 projects will move us closer to our goal of making Pak a welfare state

— Imran Khan (@ImranKhanPTI) January 1, 2021

وزیر اعم عمران خان اپنی تقریروں میں اکثر مدینہ کی ریاست کے طرز پر پاکستان کو چلانے کا کہتے آئے ہیں جو ایک ولیفئر اسٹیٹ تھی جس میں انصاف کا بول بالا تھا اور شہریوں کو یکساں حقوق حاصل تھے۔