خلیج اردو
دبئی : متحدہ عرب امارات میں ای سکوٹرز کی وجہ سے حادثات میں اضافے کو دیکھتے ہوئے حکام نے سواریوں سے کہا ہے کہ وہ ہیلمٹ لازمی پہنیں۔ انہیں کہنی پر پیڈ پہننے اور ٹریفک قوانین کے احترام کی ہدایت بھی کی گئی ہے۔
ابوظبہی کے میڈیور اسپتال کے آرتھوپیڈک اسپورٹس سرجن ڈاکٹر شیبو ورگیز نے کہا ہے کہ الیکٹرک سکوٹر نقل و حمل کی ایک نئی، اختراعی، اور تیزی سے پھیلتی ہوئی شکل ہیں۔ تاہم، ہم ای-سکوٹر حادثات کی وجہ سے زخمی ہونے کے کئی نئے کیسز دیکھ رہے ہیں۔
ڈاکٹروں کا کہنا تھا کہ اسکوٹر کو سڑکوں پر لے جانے سے پہلے سواروں کو کئی عوامل کا خیال رکھنا ہوگا۔ شائع شدہ مختلف ریسرچ کے مطابق 80 فیصد چوٹیں اس وقت ہوتی ہیں جب رائیڈر سکوٹر سے ٹکرانے کے بعد یا فٹ پاتھ سے ٹکرا کر گر جاتے ہیں۔
ڈاکٹر ورگیس نے نوٹ کیا کہ ای سکوٹر چلانے کے لیے اچھی سطح پر ہم آہنگی اور مہارت کی ضرورت ہوتی ہے جس میں اکثر فقدان پایا جاتا ہے جس کے نتیجے میں سڑک پر حادثات ہوتے ہیں۔
کچھ رائیڈرز وہ مہارت اور طاقت نہیں رکھتے جو اسکوٹر چلانے کیلئے درکار ہوتا ہے۔دوسری بات کہ ان سکوٹرز کو تیز رفتاری سے کنٹرول کرنا مشکل ہے۔ اور کچھ کے پہیے چھوٹے ہوتے ہیں جس سے وہ سڑک پر کم مستحکم ہوتے ہیں۔”
ڈاکٹر راگھویندر کے سدپا، ماہر آرتھوپیڈکس، ایسٹر ہاسپٹل، قوسیس نے کہا کہ ای سکوٹر سواروں کو حفاظتی اقدامات پر عمل کرنا چاہیے اور سڑکوں پر رفتار کا انتظام کرنا چاہیے۔
ڈاکٹر راگھویندر نے حال ہی میں ایک نرس کے عضو کو بچانے کے لیے ایک پیچیدہ سرجری کی جو سکوٹر پر توازن کھو بیٹھی تھی اور اپنے ای اسکوٹر سے گر گئی جس کے نتیجے میں فریکچر اور شدید چوٹیں آئیں۔
خبردار کیا گیا ہے کہ زخموں کی وجہ سے چوٹ لگ سکتی ہے۔ چوٹیں شدید گرنے سے اندرونی اعضاء کو نقصان پہنچا سکتی ہیں۔ ایسے میں اگر آپ اپنی نقل و حرکت کے لیے ای سکوٹر استعمال کرتے ہیں تو رفتار کا انتظام کرنا اور حفاظتی پوشاک پہننا بہت ضروری ہے۔
Source: Khaleej Times
