خلیج اردو
26 اکتوبر 2021
اسلام آباد : پاکستان میں ڈی جی آئی ایس آئی کے سربراہ کی تعنیاتی کا نوٹیفیکیشن جاری ہوگیا ہے جہاں لیفٹنٹ جنرل ندیم احمد انجم بیس نومبر سے اپنے عہدے کا چارج سنبھالیں گے۔
وزیر اعظم آفنس سے جاری نوٹیفیکیشن کے مطابق لیفٹنٹ جنرل ندیم احمد انجم کو آئی ایس آئی کے سربراہ کے طور پر تعینات کیا گیا ہے اور وہ بیس نومبر کو اپنے عہدے کا چارج لیں گے۔
نوٹیفیکیشن میں کہا گیا ہے کہ موجودہ ڈی جی آئی ایس آئی لیفٹنٹ جنرل فیض حمید انیس نومبر تک اپنے عہدے پر کام جاری رکھیں گے۔
اس سے قبل پاکستان کے آرمی چیف جنرل قمر جاوید باجوہ نے وزیر اعظم عمران خان سے ملاقات کی۔ یہ ملاقات آئی ایس آئی کے نئے سربراہ کی تعیناتی سے متعلق تھی جس میں متعلقہ تعیناتی سے متعلق وقت کا تعین کیا جارہا تھا۔
Chief of Army Staff General Qamar Javed Bajwa called on Prime Minister @ImranKhanPTI today.
The meeting was part of the ongoing consultation process between the Prime Minister and Chief of Army Staff about the timing of change of command in ISI and selection of the new DG ISI.
— Prime Minister's Office, Pakistan (@PakPMO) October 26, 2021
اس عمل کے دوران وزارت دفاع سے افسران کی فہرست موصول ہوئی۔ وزیراعظم نے تمام نامزد امیدواروں کا انٹرویو کیا۔ وزیراعظم اور آرمی چیف کے درمیان آج مشاورت کا حتمی دور ہوا۔
اس تفصیلی مشاورتی عمل کے بعد نئے ڈی جی آئی ایس آئی کے طور پر لیفٹیننٹ جنرل ندیم انجم کے نام کی منظوری دی گئی۔
Source : The Current