دبئی میں 12 گھنٹوں کے لیے لوٹ سیل کا اعلان کردیا گیا ، خصوصی سیل 26 دسمبر کو ماجد الفطیم مالز میں ہوگی ، جس میں خریداروں کو 12 گھنٹوں کے لیے 90 فیصد تک کی چھوٹ ملے گی۔ خلیج ٹائمز کے مطابق خریدار 26 دسمبر کو صبح 10 بجے سے رات 10 بجے تک مال آف ایمریٹس، سٹی سنٹر میردیف، سٹی سنٹر دیرا، سٹی سنٹر میعسم، سٹی سنٹر ال شنداغہ اور مائی سٹی سنٹر البرشہ کے اندر واقع 100 سے زیادہ حصہ لینے والے برانڈز پر 25 فیصد سے 90 فیصد تک رعایت سے لطف اندوز ہو سکتے ہیں ،جہاں ٹاپ برانڈز کی وسیع رینج میں بڑے پیمانے پر فروخت کے علاوہ خریدار ایک تفریحی لائن اپ سے بھی لطف اندوز ہو سکیں گے ، جس میں خاندانی دوستانہ لائیو تفریحی پرفارمنس اور بہت سے قیمتی انعامات بھی دیے جائیں گے۔
معوم ہوا ہے کہ اس سال جوش و خروش میں اضافہ کرتے ہوئے دبئی کے شہری، رہائشی اور زائرین خریداری کرتے وقت بڑی جیت حاصل کر سکیں گے ، شرکت کرنے والے مالز میں سے کسی ایک خریداری یا مجموعی خریداری کے سلسلے میں 300 درہم یا اس سے زیادہ خرچ کر کے خریدار اپنی رسیدیں ایپ پر اسکین کر سکتے ہیں تاکہ دس لاکھ شیئر پوائنٹس جیتنے اور انعامات جیتنے کے موقع کے لیے لکی ڈرا میں داخل ہو سکیں۔
واضح رہے کہ دبئی کے مالز، ریٹیل اسٹورز اور پرکشش مقامات سبھی صحت عامہ کے حکام کے جاری کردہ سخت کوویڈ 19 ہیلتھ اینڈ سیفٹی پروٹوکول پر عمل پیرا ہیں ، جب کہ زائرین اور خریداروں کو محفوظ اور آرام سے رکھنے کے لیے تمام ضروری احتیاطی تدابیر اختیار کر رہے ہیں۔
