متحدہ عرب امارات

15 مئی سے پہلے عمرہ کیلئے ویزہ بکنگ کی جائے، اس سے پہلے کی عمرہ سیزن ختم ہو جائے،بروقت فیصلہ کیجئے

خلیج اردو
دبئی : متحدہ عرب امارات کے وہ شہری اور رہائشی جو عمرہ کی سعادت حاصل کرنے کے خواہشمند ہیں ، کو مشورہ دیا گیا ہے کہ وہ جلد از جلد ویزہ وصول کریں۔

اس حوالے سے بتایا گیا ہے کہ غیر ملکی مسافروں کے لیے آخری ویزے 15 مئی کو جاری کیے جائیں گے۔عمرہ سیزن 31 مئی کو ختم ہو جائے گا جبکہ زائرین کے لیے سعودی عرب چھوڑنے کا آخری دن 29 جون ہے۔

رواں ماہ کے شروع میں سعودی عرب کی وزارت حج و عمرہ نے اعلان کیا تھا کہ عمرہ سیزن شوال کے ہجری مہینے کے آخر تک جاری رہے گا۔

سعودی عرب میں رواں سال مارچ کے آغاز میں کرونا پابندیوں میں نرمی کے بعد سے عازمین حج کی تعداد میں زبردست اضافہ دیکھنے میں آیا ہے۔

سعودیہ نے حرمین شریفین سمیت تمام مساجد میں اور تمام کھلی اور بند جگہوں پر سماجی دوری کے شرائط کو ختم کیے گئے ہیں تاہم مساجد اور دیگر اندرونی سہولیات کے اندر ماسک پہننے کو لازمی قرار دیا گیا ہے

عمرہ پر جانے کے آسان مراحل کیا ہیں؟

عمرہ کی بکنگ آسان عمل ہے جہاں آپ عمرہ ویزا کے لیے اپلائی کریں گے۔

عمرہ پیکج کی بکنگ کریں گے:
سب سے سستا آپشن 3,700 درہم کے دستیاب ہے۔ اس میں ویزہ کے اخراجات، مکہ مکرمہ میں تین راتوں کا قیام اور مدینہ منورہ میں دو راتوں کا قیام، تھری اسٹار ہوٹل، سعودیہ ایئر لائنز کے فلائٹ ٹکٹ اور ملک کا اندرونی سفر شامل ہیں۔

سفر کرنے سے پہلے زائرین کو فلائٹ ٹکٹوں کی تفصیلات اور ویکسین کی معلومات فراہم کرتے ہوئے مکیم کی رجسٹریشن مکمل کرنی ہوگی۔ درخواست مکمل ہونے کے بعد ایک کیو آر کوڈ تیار کیا جائے گا۔

مملکت سعودی عرب میں داخل ہونے پر، عازمین کو ایٹمارنا ایپلی کیشن پر درج ذیل مراحل کے ذریعے اندراج کرنا ہوگا۔

نئے صارفین کیلئے ہدایات ہیں کہ وہ خلیجی ممالک سے آنے والے سیاسوں کے باکس کو منتخب کریں اور مطلوبہ ڈیٹا بھریں۔

عمرہ کے لیے سعودی جانے کے طریقے کیا ہیں؟

بذریعہ سڑک سفر کرنا : جی سی سی کے شہری اور متحدہ عرب امارات کے تارکین وطن سڑک کے ذریعے مملکت میں داخل ہو سکتے ہیں۔ حالانکہ یہ ٹور آپریٹر کے ذریعے سفر کرنے والا گروپ ہونا چاہیے۔ سفر 10 سے 15 دنوں کا ہو سکتا ہے۔

ہوائی جہاز کے ذریعے سفر : مسافر درج ذیل میں سے کسی بھی ایئرپورٹ پر جا سکتے ہیں:

جدہ میں کنگ عبدالعزیز انٹرنیشنل ایئرپورٹ ، مدینہ میں شہزادہ محمد بن عبدالعزیز انٹرنیشنل ایئرپورٹ سے عمرے کا سفار کیا جا سکتا ہے۔

Source: Khaleej Times

 

متعلقہ مضامین / خبریں

Back to top button