خلیج اردو: شارجہ میں اسلامی امور کے شعبہ نے رمضان المبارک کے پیش نظر امارات میں مختلف سائز اور تعمیراتی طرز کی 15 نئی مساجد کا افتتاح کیا ہے۔
امارات میں 20 نئی مساجد کھولنے اور آبادی بڑھنے والے علاقوں میں موجودہ مساجد کو توسیع دینے کے محکمے کے منصوبے کے تحت رمضان المبارک کے مقدس مہینے کے اختتام سے قبل مزید پانچ مساجد کھل جائیں گی۔
یہ منصوبہ محکمہ کی رمضان المبارک کی تیاریوں کے ایک حصے کے طور پر اور امارات کے رہائشیوں کی عبادت گاہوں تک رسائی کو آسان بنانے اور روزے کے دوران آسانی کے ساتھ عبادات کی ادائیگی کے لیے بنایا گیا ہے۔
دریں اثنا، محکمہ کی دیکھ بھال کرنے والی ٹیموں نے مساجد کی صفائی اور ان کے قالین اور نمازی قالین کی ضروریات کو یقینی بنانے کے لیے معائنہ کے دورے کیے ہیں۔
