متحدہ عرب امارات

سعودی عرب اس شاندار فتح کا مستحق تھا،فیفا ورلڈ کپ میں ارجنٹائن کے خلاف سعودیہ کی ناقابل یقین جیت پر شیخ محمد کا تہنیتی پیغام

خلیج اردو

دبئی:متحدہ عرب امارات کے نائب صدر اور وزیر اعظم شیخ محمد بن راشد المکتوم نے سعودی عرب کی فٹ بال ٹیم کو شاندار خراج تحسین پیش کیا ہے۔

 

سعودیہ کی ورلڈ کپ کی تاریخ کے سب سے بڑے اپ سیٹوں میں سے ایک کے بعد ٹائٹل ٹورنامنٹ کی فیورٹ ارجنٹائن کو شکست پر شیخ محمد کا کہنا تھا کہ یہ شاندار ہے۔

 

اپنے ٹویٹ میں شیخ محمد کا کہنا ہے کہ سعودیہ اس جیت کا مستحق تھا۔ سعودیہ ٹیم مبارک باد کے لائق ہے جس نے ہمیں خوشی دی اور یہ درحقیقت پورے عرب دنیا کیلئے خوشی کی خبر ہے۔

 

دبئی کے ولی عہد اور دبئی کی ایگزیکٹو کونسل کے چیئرمین شیخ حمدان بن محمد بن راشد المکتوم نے بھی سعودی عرب کی ٹیم کے لیے اپنی حمایت کا اظہار کرتے ہوئے اپنے سوشل میڈیا ہینڈل پر ایک ویڈیو پوسٹ کی جب دو بار ورلڈ کپ چیمپیئن ارجنٹائن ہار گیا تھا۔

 

سعودیہ نے سنسنی خیز مقابلے کے بعد ارجنٹائن کو  1-2 سے شکست دے کر  بڑا اپ سیٹ کردیا ہے۔

 

Source: Khaleej Times

متعلقہ مضامین / خبریں

Back to top button