موسم کی خرابی یا حدنگاہ کم ہونے کی صورت میں بھی لینڈنگ ہوگی آسان ، پائلٹوں کیلئے نیا لائٹنگ سسٹم کافی زیادہ مسائل کا حل پیش کررہا ہے

خلیج اردو
ابوظبہی : ابوظہبی کے انٹرنیشنل ایئرپورٹ پر ایک نیا، جدید ترین گائڈلاننگ کا نظام پائلٹوں کو دھند جیسی حدنگاہ کی حالت میں اپنے طیاروں کو ٹیک آف اور لینڈنگ ممکن بنائے گا۔

مشرق وسطی میں اپنی نوعیت کا پہلا اور سب سے زیادہ پروگریسیو ایڈوانسڈ سرفیس موومنٹ گائیڈنس اینڈ کنٹرول سسٹم کی ابوظہبی ایئرپورٹ کی طرف سے رونمائی کی گئی ہے۔

ایئر فیلڈ گائیڈنس اور کنٹرول سسٹم رات کے وقت یا کم حدنگاہ کے حالات میں رن وے کو روشن کرنے کے لیے استعمال ہوتے ہیں۔ یہ پائلٹوں کو آسانی سے رن وے کی شناخت کرنے اور ایئرپورٹ پر کسی بھی رکاوٹ سے بچنے کی اجازت دیتا ہے۔

نیا سسٹم تمام موسمی حالات میں تنازعات کے حل اور خودکار منصوبہ بندی اور رہنمائی کے قابل بناتا ہے۔ یہ ٹاور کنٹرول ملازمین کے ساتھ ساتھ پائلٹوں کے لیے حالات سے متعلق آگاہی کے نظام کو تیز اور موئثر بناتا ہے۔

سسٹم ہوائی جہاز کے ٹیکسی کے اوقات کو کم کرنے کے ساتھ ساتھ خراب موسم کی وجہ سے فورسڈ ڈائیورژن کو کم کرتے ہوئے مسافروں کو فائدہ پہنچائے گا۔ اس سے ایئر لائنز کی لاگت میں کمی بھی آئے گی۔

نظام بجلی کی کھپت کو کم کرنے کے ساتھ ساتھ ایئرپورٹ کی صلاحیت کو مزید بڑھاتا ہے اور کم سے کم دیکھ بھال کے وقت کو یقینی بناتا ہے۔

یہ نظام ٹیکنالوجی سے لیس ہے جو کسی مخصوص طیارے کو اس کے مقرر کردہ گیٹ تک رہنمائی کرنے کے لیے درکار روشنیوں کو خود بخود روشن کر کے ذہین اور پائیدار روٹنگ اور رہنمائی کے قابل بناتا ہے۔

ابوظہبی ائیرپورٹس کے چیئرمین شیخ محمد بن حمد بن تہنون النہیان کا کہنا ہے کہ ہمارا مقصد تمام ایئرپورٹ پر بجلی کی کارکردگی، ترقی اور امارات کی معیشت میں ہماری شراکت کو بڑھانے کے لیے جدید ترین ٹیکنالوجی کی فراہمی کو یقینی بنانا ہے۔

ابوظہبی ایئرپورٹس کے سی ای او شریف ہاشم الہاشمی نے مزید کہا کہ اس سسٹم کو آج سے ہم اپنے قابل قدر شراکت داروں کے ساتھ لانچ کرنے پر فخر محسوس کرتے ہیں۔

Source: Khaleej Times