پاکستان اور یورپی یونین میں مشترکہ مفادات کے باہمی روابط میں مزید وسعت پر اتفاق

خلیج اردو

راولپنڈی : آرمی چیف جنرل قمر جاوید باجوہ سے یورپی یونین کے سفیر نے ملاقات کی ہے۔ دونوں جانب سے مشترکہ مفادات کی بنیاد پر دوطرفہ روابط میں مزید وسعت کی امید کا اظہار کیا گیا۔۔آئی ایس پی آر کے مطابق یورپی یونین نے پاکستان میں سیلاب کی تباہ کاریوں پر افسوس کا اظہار کیا ہے۔

افواج پاکستان کے ترجمان ادارے آئی ایس پی آر کے مطابق آرمی چیف جنرل قمر جاوید باجوہ سے یورپی یونین کی سفیر ڈاکٹر رینا کیونکا کی ملاقات، باہمی دلچسپی، علاقائی سلامتی اور یورپی یونین کے ساتھ دوطرفہ تعاون پر تبادلہ خیال ، آئی ایس پی آر کے مطابق آرمی چیف جنرل قمر جاوید باجوہ نے کہا کہ پاکستان یورپی یونین کے ممالک کے ساتھ اپنے تعلقات کو قدر کی نگاہ سے دیکھتا ہے۔مشترکہ مفادات کی بنیاد پر باہمی فائدہ مند کثیر الجہتی تعلقات میں وسعت کے لیے پر امید ہیں۔ عالمی شراکت داروں کی مدد متاثرین کے بچاؤ اور بحالی میں اہم ہوگی۔

ترجمان پاک فوج کے مطابق آرمی چیف نے یورپی یونین کے سفیر کو نئی ذمہ داریاں سنبھالنے پر مبارکباد دی۔ دونوں جانب سے مشترکہ مفادات کی بنیاد پر دوطرفہ روابط میں مزید وسعت کی امید کا اظہار کیا گیا۔ یورپی یونین نے پاکستان میں جاری سیلاب کی تباہ کاریوں پر دکھ کا اظہار کیا ہے اور ڈاکٹر رینا نے سیلاب متاثرین کے اہل خانہ سے دلی تعزیت کی۔

آئی ایس پی آر کا کہنا ہے کہ یورپی یونین کی سفیر نے پاکستانی عوام کیلئے مکمل تعاون کی پیشکش کی۔ سیلاب متاثرہ علاقوں میں امداد و بچاؤ کی سرگرمیوں میں سول انتظامیہ کی مدد پر پاک فوج کی کاوشوں کوبھی سراہا۔آرمی چیف جنرل قمر جاوید باجوہ نے یورپین یونین کی حمایت کا شکریہ ادا کیا۔