ترکیہ اور متحدہ عرب امارات کے مابین معیشت کو بڑھانے کے لیے معاہدہ طے پاگیا۔

خلیج اردو: ترک صدر رجب طیب ایردوان نے کہا کہ ترکی اور متحدہ عرب امارات (یو اے ای) نے تجارت کو فروغ دینے کے لیے ایک وسیع اقتصادی شراکت داری کے معاہدے پر دستخط کیے ہیں۔

استنبول میں خطاب کرتے ہوئے طیب ایردوان نے کہا کہ جامع اقتصادی شراکت داری کا معاہدہ معیشت اور تجارتی تعلقات کو ایک نئے مرحلے میں لے جائے گا۔

ان کا خیال ہے کہ یہ معاہدہ پانچ سالوں میں ممالک کے درمیان تجارتی حجم کو 25 بلین ڈالر تک بڑھانے کے قابل بنائے گا۔

ویڈیو لنک کے ذریعے دستخط کی تقریب سے خطاب کرتے ہوئے طیب ایردوان نے اس بات پر زور دیا کہ معاہدے پر دستخط کے ساتھ دونوں ممالک کے درمیان اقتصادی اور تجارتی تعلقات ایک نئے دور میں داخل ہوں گے۔

ان کا کہنا تھا کہ ترکی اور متحدہ عرب امارات کے 50 سالہ تعلقات مضبوط بنیادوں پر مبنی ہیں معاہدے کی بدولت اشیا اور خدمات کی تجارت میں حائل رکاوٹیں دور ہو جائیں گی اور ہمارے سرمایہ کاروں اور کاروباری افراد کی سرگرمیوں کو آسان بنایا جائے گا۔