خلیج اردو: عمران خان کو دبئی ایکسپو میں ایک اور ایوارڈ سے نوازا جائے گا۔
وزیراعظم پاکستان عمران خان کو ’انٹرنیشنل اسپورٹس پرسنالٹی ایوارڈ‘ سے نوازا جائے گا۔
غیر ملکی میڈیا رپورٹس کے مطابق دبئی ایکسپو کی رنگینیاں اپنے عروج پر ہیں، اور اسی دوران دبئی کے ولی عہد محمد بن راشد المکتوم کی جانب سے انٹرنیشنل اسپورٹس پرسنالٹی ایوارڈ کےحوالے سے اعلان کیا گیا ہے۔
محمد بن راشد المکتوم تخلیقی اسپورٹس ایوارڈز کے 11 ویں ایڈیشن کا انعقاد اتوار کو ایکسپو 2020 دبئی کے مرکز میں ایک شاندار تقریب میں ہوگا۔
پاکستان کے وزیر اعظم عمران خان کو پاکستان کو کرکٹ کی دنیا کے صف اول کے ممالک میں تبدیل کرنے کی کوششوں کو سراہتے ہوئے انٹرنیشنل اسپورٹس پرسنالٹی ایوارڈ سے نوازا جائے گا۔
عمران خان پاکستانی ٹیم کے کپتان تھے جو 1992 کے کرکٹ ورلڈ کپ میں فائنل میں انگلینڈ کو شکست دے کر فاتح بنی تھی۔
ایک متاثر کن اسپورٹس آئیکون عمران خان اب بطور وزیر اعظم نوجوانوں کی حوصلہ افزائی کر رہے ہیں، بالعموم کرکٹ کی حیثیت کو بڑھا رہے ہیں اور کھیلوں کے ذریعے پاکستانی معاشرے کو بااختیار بنا رہے ہیں۔
