خلیج اردو
دبئی: متحدہ عرب امارات میں جہاں ایشیاء کپ کیلئے جوش و خروش سے تیاریاں ہورہی ہیں وہاں اس شاندار ایونٹ کو محفوظ بنانے کیلئے پولیس مکمل طور تیار ہیں۔
دبئی پولیس نے ایشیا کپ 2022 کی میزبانی کے لیے اپنی سیکیورٹی تیاریوں کی تصدیق کی ہے۔
دبئی ایونٹس سیکیورٹی کمیٹی ای ایس سی نے 27 اگست سے 11 ستمبر کے درمیان دبئی انٹرنیشنل کرکٹ اسٹیڈیم میں ہونے والے میچوں کے لیے حفاظتی اقدامات کا جائزہ لیا۔
دبئی پولیس کے آپریشنز امور کے قائم مقام اسسٹنٹ کمانڈر بریگیڈیئر راشد خلیفہ الفلاسی نے کہا کہ میچوں کو محفوظ بنانے کے لیے سمارٹ ٹیکنالوجیز کا استعمال کیا جائے گا۔
انہوں نے کہا کہ میچوں میں شرکت کے دوران تمام حفاظتی اقدامات اور پروٹوکول کی پابندی کے بارے میں عوام کو آگاہ کرنے کے لیے ای ایس سی کی بیداری کی کوششوں کا بھی جائزہ لیا۔
ایشیا کپ 2022 ایشیا کی سب سے بڑی کرکٹ حریفوں پاکستان اور بھارت کو آمنے سامنے لائے گا۔
ایونٹ میں بھارت، سری لنکا، پاکستان، بنگلہ دیش اور افغانستان کے ساتھ ساتھ متحدہ عرب امارات، کویت، ہانگ کانگ یا سنگاپور کی ایک کوالیفائنگ ٹیم شامل ہے۔
بھارت اور پاکستان کے درمیان سب سے دلچسپ اور بڑا ٹاکرا 28 اگست کو دبئی میں ہوگا جس کیلئے ٹکٹوں کی فروخت انلائن دو مراحل میں ہو چکی ہے۔
Source: Khaleej Times
