خلیج اردو
14 دسمبر 2020
راولپنڈی : پاکستان کے اہم اسٹریٹجک اور کاروباری شہر راولپنڈی کے ایک مارکیٹ میں دھماکہ ہوا ہے جس کے نتیجے میں کم سے کم 25 افراد زخمی ہوئے ہیں۔ پولیس کے مطابق شہر میں تخریب کاری کے مزید امکانات موجود ہیں۔
سٹی پولیس آفیسر محمد احسن یونس کے مطابق ایک گاؤں کے نیچے ایک دیسی ساختہ دھماکہ خیز آلہ آئی ای ڈی نصب کیا گیا تھا جو اتوار کے روز فوجی ہیڈکوارٹر سے تقریبا دو کلومیٹر دور ایک پولیس اسٹیشن کے قریب مصروف گنج منڈی مارکیٹ میں پھٹ گیا تھا۔
ایک امدادی کارکن نے میڈیا کو بتایا کہ انہوں نے 22 زخمیوں کو مقامی اسپتال منتقل کیا ۔ 3 افراد کو ھماکے کے مقام پر ابتدائی طبی امداد فراہم کرنے کے بعد فارغ کیا گیا۔ زخمیوں میں سے ایک کی حالت تشویشناک ہے۔
ابھی تک کسی گروپ یا فرد نے حملے کی ذمہ داری قبول نہیں کی ہے۔
محمد احسن یونس نے مزید بتایا کہ شہر میں پچھلے 10 دنوں کے دوران پولیس اسٹیشن کے قریب یہ دوسرا حملہ تھا۔ اس سے قبل 4 دسمبر کو شہر کے پیر وڈھائی پولیس اسٹیشن کے قریب آئی ای ڈی دھماکے میں ایک شخص ہلاک اور سات دیگر زخمی ہوگئے تھے۔ انہوں نے کہا کہ پولیس انٹلیجنس نے پہلے ہی شہر میں کسی ممکنہ دہشت گردانہ حملے کی اطلاع دی تھی اور ملزمان کی گرفت کیلئے تفتیش جاری ہے۔
Source : Khaleej Times
