خلیج اردو آن لائن: تفصیلات کے مطابق شارجہ کے کلبا ساحل پر اتوار کی شام تیراکی کے دوران ایک 17 سالہ نوجوان لاپتہ ہوگیا، پولیس نے اطلاع ملنے پر ریسکیو آپریشن شروع کیا جو 10 گھنٹے تک جاری رہا۔ 10 گھنٹے پعد نوجوان کی لاش کلبا ساحل کے پاس ملی۔
پولیس کی طرف جاری کردہ بیان کے مطابق انہیں اتوار کی شام 6 بج کر 20 منٹ پر آپریشن روم میں ایک نوجوان کے لاپتہ ہونے کی ایمرجنسی کال موصول ہوئی۔ جس کے بارے میں قیاس کی کیا جا رہا تھا کہ وہ ساحل کے تیز لہروں والے حصے میں تیراکی کے دوران ڈوب گیا ہے۔
تاہم پولیس نے ایمرجنسی کال موصول ہونے کے بعد ریسکیو مشن، کوسٹل گارڈ اور ایئر ونگ کے ساتھ مل کر ایک بڑا آپریشن شروع کردیا، جو 10 گھنٹے تک جاری رہا۔ 10 گھنٹۓ بعد نوجوان کی لاش کلبا ساحل کے قریب ملی، جسے ایئر ونگ نے کلبا ہسپتال پہنچا دیا۔
مشرقی ریجن پولیس کے ڈائریکٹر کرنل الکائی الحمودی نے لوگوں کو تنبیہ کی وہ ساحل سمندر پر تیراکی کے لیے جانے سے پہلے سمندر میں طغیانی کے حوالے سے معلومات حاصل کرلیا کریں۔
انکا کہنا تھا کہ شدید گرمیوں میں سمندر میں شدید طغیانی ہوتی ہے۔ تاہم ہم نے کوسٹل گارڈی کی اضافی نفری ایسے کسی بھی حادثے سے نمٹںے کے لیے تعینات کی ہے، جگہ جگہ سمندر میں لہروں کے شدید ہونے کے سائن بورڈز لگائے ہیں لیکن ساحل سمندر پر جانے والے ان ہدایات پر عمل نہیں کرتے ہیں۔
الکائی الحمودی کا مزید کہنا تھا کہ اس طرح کے واقعات کو روکنے کے لیے پولیس آج سے آگاہی مہم چلائے گئی۔
Source: Khaleej Times
