خلیج اردو
اسلام آباد : پاکستان میں اب سوشل میڈیا پر لوگوں کی تضحیک کرنے کا تدارک کرنے سمیت دیگر اہم امور کیلئے قانون سازی کی جائے گی۔
وفاقی وزیر اطلاعات فواد چوہدری نے اپنے ٹویت میں کہا ہے کہ وفاقی کابینہ کو دو اہم قانون منظوری کیلئے بھیجےگئےہیں۔
مسٹر چوہدری نے بتایا ہے کہ پہلےقانون کےتحت پارلیمنٹیرینز کوالیکشن کمپین میں حصہ لینےکی اجازت دی گئی ہے جبکہ دوسرے قانون کے تحت سوشل میڈیا پرلوگوں کی عزت اچھالنے کو قابل تعزیرجرم قرار دے دیا گیا ہے۔
وفاقی کابینہ کو دو اہم قانون منظوری کیلئے بھیجےگئےہیں،پہلےقانون کےتحت پارلیمنٹیرینز کوالیکشن کمپین میں حصہ لینےکی اجازت دی گئ ہے جبکہ دوسرے قانون کے تحت سوشل میڈیا پرلوگوں کی عزت اچھالنے کو قابل تعزیرجرم قرار دے دیا گیا ہے،عدالتوں کوپابند کیا گیا ہے کہ فیصلہ چھ ماہ میں کیا جائے
— Ch Fawad Hussain (@fawadchaudhry) February 19, 2022
وزیر اطلاعات نے کہا ہے کہ عدالتوں کوپابند کیا گیا ہے کہ فیصلہ چھ ماہ میں کیا جائے۔
پاکستان میں چیرمین قائمہ کمیٹی انفارمیشن ٹیکنالوجی کہدہ بابر نے ٹویٹ کیا ہے کہ سوشل میڈیا قوانین کو سخت بنانے پر حکومتی اقدام کو سراہتا ہوں۔
انہوں نے کہا ہے کہ سوشل میڈیا پرلوگوں کی عزت اچھالنے کو قابل تعزیرجرم قرار دینا وقت کی ضرورت ہے۔ ایسی قانون سازی پر سخت عمل درآمد بھی ہونا چاہیے۔
Appreciated !!. Legislation for regulating social media particularly on the issue of defamation is need of the time.@ImranKhanPTI @fawadchaudhry @GovtofPakistan https://t.co/5scfzUHZuI
— Senator Kahuda Babar Baloch (@KahudaBabar) February 19, 2022
