خلیج اردو آن لائن:
متحدہ عرب امارات میں کورونا کے کیسز میں حالیہ اضافے کے پیش نظر کورونا ایس او پیز پر عمل نہ کرنے والے افراد اور دکانداروں کے ساتھ سختی سے نمٹا جار رہا ہے۔
جمعہ کے روز حکام کی جانب سے بتایا گیا ہے کہ دبئی ورسان تھری ایریا اور شاپنگ مالز میں پانچ مختلف دکانداروں پر انکے ملازمین کے ماسک نہ پہننے کی وجہ سے جرمانے عائد کیے گئے ہیں۔
Dubai Economy fined 5 establishments including commercial establishments in malls and in Warsan 3 for employees not wearing face masks and
warned 10 shops for not placing enough social distancing stickers.While 711 businesses found compliant.#UAE #DubaiEconomy #DubaiDED pic.twitter.com/Ph40OfXGPy
— اقتصادية دبي (@Dubai_DED) September 18, 2020
دبئی کے اقتصادی ڈیپارٹمنٹ کی جانب سے ایک ٹوئیٹ میں بتایا گیا ہے کہ 10 دکانداروں کو دکانوں کے اندر سماجی فاصلہ برقرار رکھنے کے لیے اسٹیکر نہ لگانے وجہ سے وارننگ نوٹس جاری کیے گئے ہیں۔
ڈیپارٹمنٹ کی جانب سے بزاروں کے حالیہ معائنے کے دوران کورونا ایس اوپیز کی 15 خلاف ورزیاں سامنے آئی ہیں۔ جبکہ 711 کاروباری یونٹس کو کورونا ایس او پیز پر عمل کرتے ہوئے پایا گیا۔
خیال رہے کہ ملک بھر میں کورونا کے کیسز میں اضافہ ہو رہا ہے جس کے پیش نظر حکام کورونا ایس او پیز پر عمل نہ کرنے والوں کے ساتھ کسی قسم کی رعایت نہیں برت رہے۔ اس لیے ہی ایس او پیز پر عمل نہ کرنے والی بیشتر دکانوں کو بند کرنے حکم دیا گیا ہے اور کچھ بزنس پرمٹ ضبط کیے گئے ہیں۔
مزید برآں، دبئی کے اقتصادیات کے سے متعلق محکمے نے لوگوں سے درخواست کی ہے کہ وہ کورونا ایس او پیز کی خلاف ورزیوں کی شکایت دبئی کنزیومر ایپ کے ذریعے یا 600545555 اس نمبر کال کر کے کریں۔
Source: Khaleej Times
