متحدہ عرب امارات میں کورونا کے نئے کیسز اور اموات سے متعلق تازہ ترین اعداد و شمار جاری

خلیج اردو آن لائن:

متحدہ عرب امارات کی وزارت صحت کی جانب سے ہفتے کے روز یو اے ای بھر میں کورونا کے 321 نئے کیسز رپورٹ کیے گئے ہیں۔  مزید برآں، وزارت کے مطابق ملک بھر میں کورونا سے صحت یاب ہونے والوں تعداد 398 رہی جبکہ وائرس سے مزید 3 افراد ہلاک ہوگئے ہیں۔

یو اے ای بھر میں اب تک کورونا کے 19 اشاریہ 7 ملین ٹیسٹ کیے جا چکے ہیں۔

یاد رہے کہ یو اے ای میں کورونا وبا کے آغاز سے 25 ستمبر 2021 تک کورونا کے 7 لاکھ 34 ہزار 596 کیسز سامنے آئے ہیں جبکہ اسے دورانیے میں کورونا سے صحت یاب ہونے والوں کی کل تعداد 7 لاکھ 26 ہزار 806 ہے۔ تاہم، وائرس کے باعث اب تک 2089 اموات ہو چکی ہیں۔

مزید برآں، متحدہ عرب امارات میں اس سال جنوری کے مقابلے میں اگست کے مہینے میں کورونا کے یومیہ کیسز میں 62 فیصد کمی آئی اور گزشتہ کچھ ہفتوں سے یو اے ای بھر میں کورونا کے یومیہ کیسز 500 سے  کم ریکارڈ کیے جا رہے ہیں۔

کورونا کیسز میں کمی کے اس رجحان کو دیکھتے ہوئے یو اے ای حکام کی جانب سے بعض عوامی مقامات پر ماسک پہہننے کی شرط ختم کر دی ہے۔ تاہم، دیگر تمام مقامات پر ماسک پہننا لازم رہے گا۔

Source: Khaleej Times