خلیج اردو: ابوظہبی میڈیا آفس کے ایک اعلان کے مطابق، 25 مارچ تک، جو افراد مکمل طور پر ویکسینٹڈ نہیں تھے وہ الحسن ایپ پر گرین پاس حاصل کر سکتے ہیں۔ ایسا کرنے کے لیے، آپ کو پی سی آر ٹیسٹ کے منفی نتائج کی ضرورت ہوگی، جو آپ کو 48 گھنٹوں کے لیے ایپ پر گرین اسٹیٹس دیتا ہے۔
اس کا مطلب یہ ہے کہ ابوظہبی کے رہائشیوں اور سیاحوں کو جو مکمل طور پر ویکسینٹڈ نہیں ہیں، انکو ابوظہبی میں تقریبات، سیاحتی مقامات اور ثقافتی مقامات پر داخلے کی اجازت ہوگی، تاہم ان عوامی مقامات تک رسائی کے لیے، انہیں 48 گھنٹوں کے اندر موصول ہونے والا منفی پی سی آر ٹیسٹ پیش کرنا ہوگا۔
الحسن گرین پاس کو سمجھنا
اگر آپ سیاح یا رہائشی کے طور پر ابوظہبی کا دورہ کر رہے ہیں تو امارات میں سماجی تقریبات، سیاحتی مقامات اور ثقافتی مقامات میں داخل ہونے کے لیے الحسن گرین پاس لازمی ہے۔
· الحسن پر گرین پاس کی میعاد کی مدت فرد کی ویکسینیشن سٹیٹس پر منحصر ہے۔ آپ کے کووڈ-19 ویکسینیشن سٹیٹس پر انحصار کرتے ہوئے آپ کا گرین پاس ایک مخصوص مدت تک فعال رہے گا۔
مکمل طور پر ویکسینٹڈ افراد : وہ افراد جن کی چھ ماہ کے بعد بوسٹر ڈوز کے ساتھ کووڈ-19 ویکسین کی دونوں خوراکیں ہوچکی ہیں انکا بھی، ہر 14 دن بعد پی سی آر ٹیسٹ کا نتیجہ منفی ہونا چاہیے۔
وہ لوگ جن کے پاس طبی چھوٹ ہے: اگر آپ کو سرکاری طور پر طبی چھوٹ حاصل ہے، تو ہر سات دن بعد منفی PCR ٹیسٹ کی ضرورت ہوتی ہے۔ تاہم، اگر آپ اس زمرے میں آتے ہیں اور کووڈ-19 انفیکشن سے صحت یاب بھی ہوئے ہیں، تو ہر 14 دن بعد منفی PCR ٹیسٹ کا نتیجہ درکار ہے۔
· غیر ویکسین شدہ افراد: اگر آپ کو ویکسین نہیں لگائی گئی ہے یا آپ جزوی طور پر ویکسینٹڈ ہیں، تو آپ الحسن ایپ پر گرین پاس حاصل کر سکتے ہیں اگر آپ کو ہر 48 گھنٹے بعد منفی PCR ٹیسٹ کا نتیجہ موصول ہوتا ہے۔
· 16 سال سے کم عمر کے بچوں کو گرین پاس حاصل کرنے کے لیے پی سی آر ٹیسٹ کرانے کی ضرورت نہیں ہے۔
الحسن ایپ پر کراسڈ او ٹی سرنج کا نشان موصول ہوا؟ یہ کیوں ہے
حال ہی میں، کچھ الحسن ایپ صارفین کو ایک کراس آؤٹ سرنج آئیکن موصول ہوا ہے۔ الحسن ایپ کے ڈویلپرز نے وضاحت کی کہ یہ نشان ان لوگوں کے لیے ویکسین کی عارضی چھوٹ پیش کرتا ہے جو حال ہی میں کووڈ-19 سے صحت یاب ہوئے ہیں۔ ایپ پر نشان کی موجودگی، صارف کی عوامی مقامات اور سماجی تقریبات میں جانے کی صلاحیت میں رکاوٹ نہیں بنتی۔
