خلیج اردو: ابوظہبی پولیس نے ڈرائیوروں سے کہا ہے کہ وہ دوران ڈرائیونگ زیادہ محتاط رہیں اور ڈرائیونگ سے توجہ ہٹانے سے گریز کریں۔
اتھارٹی نے ایک سنگین حادثے کی ویڈیو آن لائن اپ لوڈ کی جو ڈرائیور کی توجہ ہٹنے کے باعث پیش آیا تھا۔
ویڈیو میں دکھایا گیا ہے کہ ایک کار موڑ سے باہر ایک چوراہے میں داخل ہوتی ہے اور دوسری کار سے ٹکراتی ہے اور پھر یوں بے قابو ہو جاتی ہے۔
اتھارٹی نے گاڑی چلانے والوں سے مطالبہ کیا ہے کہ وہ سوشل نیٹ ورکنگ ایپلی کیشنز، انٹرنیٹ براؤز کرنے یا فون کالز کرنے کے لیے اپنے فون استعمال کرنے سے گریز کریں، اس بات کا اعادہ کرتے ہوئے کہ حادثات موٹرسواروں کی توجہ ہٹنے کا نتیجہ ہیں۔
گاڑی چلانے والوں سے یہ بھی کہا گیا ہے کہ وہ پیدل چلنے والوں، لگے شانات اور اپنے اردگرد کی جگہوں پر دھیان دیں تاکہ حادثے سے بچ سکیں۔
اتھارٹی نے یہ بھی کہا کہ سگنل جمپ کرنے کا جرمانہ 1,000، درہم، 12 بلیک پوائنٹس اور گاڑی کی 30 دن کے لیے ضبطگی ہے ۔
جرمانہ ادا نہ کرنے کی صورت میں گاڑی 3 ماہ کی مدت کے بعد بھی فروخت کی جا سکتی ہے۔
