خلیج اردو
دبئی: دبئی رن وے کی بحالی کا منصوبہ مکمل ہونے میں صرف 45 دنوں کے انتہائی سخت شیڈول میں کام کے بعد ایئرپورٹ کا نارتھ رن وے کی بحالی کا منصوبہ 22 جون 2022 کو مکنمل طور پر بحال ہو جائے گا۔
دبئی سول ایوی ایشن اتھارٹی کے صدر اور دبئی ایئرپورٹس کے چیئرمین اور ایمریٹس ایئر لائن اینڈ گروپ کے چیئرمین اور چیف ایگزیکٹو شیخ احمد بن سعید المکتوم نے بدھ کے روزدبئی انٹرنیشنل ایئرپورٹ کے نارتھ رن وے کا دورہ کیا اور بحالی کے کاموں کی پیشرفت کا جائزہ لیا۔
دبئی ایوی ایشن انجینئرنگ پروجیکٹس سے متحدہ عرب امارات کی قومی مہارت کی زیر نگرانی میں کام سے متعلق شیخ احمد کو پروجیکٹ کی پیشرفت اور مختلف کثیر القومی ٹیموں کی جانب سے کی جانے والی کوششوں کے بارے میں بتایا گیا ۔
شیخ احمد نے ٹیموں کی کوششوں کی تعریف کرتے ہوئے کہا نارتھ رن وے کی بحالی کا منصوبہ مسافروں کی مسلسل ترقی اور امارات میں ہوائی نقل و حمل کی صنعت کے ارتقاء میں مدد فراہم کرنے اور سہولت فراہم کرنے کی ہماری کوششوں میں ایک قابل ذکر قدم ہے۔
دبئی مسلسل اپنے ایئرپورٹ کے بنیادی ڈھانچے کی لچک کو یقینی بنانے اور ٹیکنالوجیز میں جدت لاکر تمام مسافروں کو فراہم کی جانے والی خدمات کو بڑھانے کی کوشش کرتا ہے۔
بحالی کے تازہ ترین منصوبے میں 400 سے زیادہ انجینئرز اور فیلڈ ماہرین کی افرادی قوت کے ساتھ ساتھ تقریباً 3,800 افراد کی لیبر فورس بھی شامل تھی جہاں رن وے کی مرکزی پٹی، تمام متعلقہ ٹیکسی ویز اور درجہ بند حفاظتی پٹیوں کی پوری 4,500 میٹر کی تعمیر نو شامل تھی۔ کام کے آغاز سے اب تک 295,000 ٹن سے زیادہ خصوصی مکس اسفالٹ اور 125,000 ٹن کنکریٹ سائٹ پر رکھا گیا ہے۔
نارتھ رن وے کی بحالی کے منصوبے کی تکمیل پر، دبئی انٹرنیشنل ایئرپورٹ آنے والے کئی سالوں تک مسلسل ہوائی ٹریفک میں اضافے کی اجازت دے گا۔ مذکورہ بالا ترقی دبئی کی عالمی معیار کی سیاحت کی منزل اور لاجسٹک ہب ہونے کی حکمت عملی کی جانب گامزن ہونے کا منصوبہ ہے۔
Source: Khaleej Times
