دبئی نے ویکسین کے لیے پی سی آر ٹیسٹ کی شرط ختم کردی۔ کھلی جگہوں پر ماسک لازمی نہیں رہا

خلیج اردو: متحدہ عرب امارات میں کووڈ-19 کے احتیاطی تدابیر کی اپ ڈیٹس کے بارے میں نیشنل ایمرجنسی کرائسز اینڈ ڈیزاسٹر مینجمنٹ اتھارٹی (NCEMA) کے اعلان کے مطابق، دبئی میں سپریم کمیٹی آف کرائسز اینڈ ڈیزاسٹر مینجمنٹ نے، شیخ منصور بن محمد بن راشد المکتوم کی سربراہی میں اعلان کیا کہ ہفتہ (26 فروری) سے کووڈ-19 سے بچاؤ کے اقدامات میں نرمی کی جائے گی۔

دبئی میں پیروی کیے جانے والے پروٹوکولز کے مطابق، امارات میں تمام عوامی انڈور مقامات پر ماسک پہننا لازمی ہے، جبکہ بیرونی علاقوں میں یہ اختیاری ہے۔

کووڈ-19 مثبت کیسز کے قریبی رابطے جن میں کسی قسم کی علامات ظاہر نہیں ہو رہی ہیں انہیں قرنطینہ کرنے کی ضرورت نہیں ہے۔

تازہ ترین ٹریول پروٹوکولز میں، دبئی جانے والے مسافروں کو QR کوڈ پرمشتمل ایک منظور شدہ کووڈ-19 ویکسینیشن سرٹیفکیٹ پیش کرنے کی ضرورت ہوگی ۔

نان ویکسینٹڈ اندرون ملک مسافروں کو پچھلے 48 گھنٹوں کے اندر کیے گئے پی سی آر ٹیسٹ کا منفی نتیجہ پیش کرنا ہوگا یا سفر کی تاریخ سے ایک ماہ کے اندر حاصل کیا گیا QR کوڈ پر مشتمل کووڈ-19 سے صحتیابی کا سرٹیفکیٹ پیش کرنا ہوگا۔

سپریم کمیٹی نے وبائی امراض کا مقابلہ کرنے میں کمیونٹی کے ارکان کی طرف سے دکھائے گئے تعاون کی تعریف کی جس سے امارات میں بحالی اور معمولات کی بحالی میں تیزی آئی ہے۔

کمیٹی نے کہا کہ وہ تمام اہم وفاقی اور مقامی اداروں بشمول نیشنل ایمرجنسی کرائسز اینڈ ڈیزاسٹر مینجمنٹ اتھارٹی (این سی ای ایم اے)، وزارت صحت اور روک تھام، اور دبئی کے کووڈ-19 کمانڈ اینڈ کنٹرول سینٹر (CCC) کے ساتھ مل کر کام کرنا جاری رکھے گی، تاکہ کمیونٹی میں صحت اور حفاظت کی اعلیٰ سطح کو برقرار رکھنے کے لیے قومی کوششوں کی حمایت جاری ہے۔