متحدہ عرب امارات

متحدہ عرب امارات میں غیر معمولی ہونہار طلباء کیلئے وظائف کا اعلان کر دیا گیا

خلیج اردو
دبئی: دبئی کے ولی عہد شیخ حمدان بن راشد المکتوم نے ہائی اسکول کے نمایاں طلباء کو پہچاننے، انعام دینے اور ان کا اعزاز دینے کے لیے ایک اقدام کا اعلان کیا ہے۔

اتوار کو ٹویٹر پر ولی عہد اور دبئی ایگزیکٹیو کونسل کے چیئرمین شیخ حمدان بن محمد بن راشد المکتوم نے کہا کہ دبئی کے طلباء جو بہترین کارکردگی کا مظاہرہ کریں گے انہیں گولڈن ویزا اور اسکالرشپ دی جائے گی۔

یہ وظائف اماراتی گریڈ 12 کے اعلیٰ طلباء کے لیے ہیں جبکہ 10 سالہ اقامت دیگرغیر ملکیوں اور ان کے اہل خانہ کے لیے ہے۔

شیخ حمدان نے اس بات پر روشنی ڈالی کہ کس طرح یو اے ای کے نائب صدر اور وزیر اعظم اور دبئی کے حکمران شیخ محمد بن راشد المکتوم، دبئی کے لیے ایک پرجوش وژن رکھتے ہیں۔

انہوں نے ٹویٹ کیا کہ اس وژن کو پورا کرنے کے لیے امارات اور ملک کو اہل کیڈرز کی ضرورت ہے۔ شناخت، شہریت، کسٹمز اور پورٹ سیکیورٹی کے لیے وفاقی اتھارٹی نے کہا ہے کہ وہ گولڈن ویزا دینے کے طریقہ کار کے بارے میں سب سے زیادہ اسکور کرنے والوں سے رابطہ کرے گا۔

Source: Khaleej Times

متعلقہ مضامین / خبریں

Back to top button