خلیجی خبریںمتحدہ عرب امارات

دبئی انٹرنیشنل ایئر پورٹ نے ایک اور اعزاز اپنے نام کرلیا۔

خلیج اردو: دبئی کے انٹرنیشنل ایئر پورٹ کو مسافروں کے اعداد و شمار کے مطابق مصروف ترین ہوائی اڈے کا اعزاز دیا گیا ہے۔

ورلڈ ایئرپورٹس کونسل نے سالانہ رپورٹ میں بتایا کہ دو ہزار اکیس کے دوران بھی دبئی انٹرنیشنل ایئرپورٹ نے دنیا بھر کے مصروف ترین ایئر پورٹس میں سرفہرست ہونے کا اعزاز برقرار رکھا، سب سے زیادہ مسافروں سے دبئی ائیر پورٹ سے سفر کیا ہے۔

رپورٹ میں بتایا گیا کہ دبئی انٹرنیشنل ایئرپورٹ پر دو ہزار اکیس کے دوران 29.1 ملین مسافر پہنچے جبکہ دو ہزار بیس میں 25.9 ملین مسافر دبئی آئے تھے، اس طرح دو ہزار اکیس کے دوران 30 لاکھ سے زیادہ مسافر دبئی آئے اور شرح نمو 12.7 فیصد رہی۔

دنیا کے مصروف ترین ہوائی اڈوں میں استنبول انٹرنیشنل ایئرپورٹ دوسرے نمبر پر رہا جس سے دوہزار اکیس کے دوران 26.4 ملین مسافروں نے سفر کیا، اسی طرح ایمسٹرڈیم ایئرپورٹ 25.4 ملین مسافروں کے حوالے سے تیسرے نمبر پر رہا۔

متعلقہ مضامین / خبریں

فرینکفرٹ اور پیرس کے ایئرپورٹ 22.7 اور 22.6 ملین مسافروں کے حوالے سے چوتھے اور پانچویں نمبر پر رہے ہیں۔

الامارات الیوم کے مطابق محکمہ شہری ہوابازی ایئرپورٹس کی اہمیت جانچنے کے لیے بین الاقوامی مسافروں کو معیار مقرر کیے ہوئے ہے، بین الاقوامی تجارت اور سیاحت پر سب سے زیادہ مسافر ہی اثرانداز ہوتے ہیں۔

یہی ایئر پورٹ دنیا کی مقبول ایئر لائن ‘ایمیریٹس’ کا گھر بھی ہے، اسی ہوائی اڈے سے قریبی خلیجی ریاستوں اور ایران کے لیے قدرے سستی ہوائی کمپنی ‘فلائی دبئی‘ بھی اپنا بزنس جاری رکھے ہوئے ہے۔

متعلقہ مضامین / خبریں

Back to top button