گرل فرینڈ کے دھوکے سے دلبرداشتہ ہوکر اسے قتل کرنے والے شخص کو عمر قید کی سزا سنادی گئی

خلیج اردو
دبئی: متحدہ عرب امارات میں 32 سالہ شخص کو اپنی گرل فرینڈ کو قتل کرنے کے جرم میں عمر قید کی سزا سنا دی گئی۔ مجرم کا کہنا تھا کہ اس کی گرل فرینڈ نے اسے دھوکہ دیا تھا۔

سرکاری دستاویزات کے مطابق جولائی 2019 ایک نوجوان دبئی کے ایک پولیس سٹیشن میں اپنے کپڑوں کے ساتھ خون میں لت پت داخل ہوا۔

ڈیوٹی پر موجود افسر نے تفتیش کے دوران پبلک پراسیکیوشن کو بتایا کہ مجرم کی گاڑی میں لڑکی کی لاش ملی جہاں لڑکی کا گلا کٹا ہوا تھا اور اس کے پورے جسم پر چھریوں کے کئی زخم تھے۔

مجرم کی پچھلی سیٹ سے ایک بڑا چاقو بھی ملا۔ تفتیشی نے کرائم سین ڈپارٹمنٹ کو تلاش کے بارے میں مطلع کیا اور انہوں نے جرم سے شواہد اکٹھے کئے۔

پوچھ گچھ کے دوران مجرم نے افسر سے کہا کہ جناب میں نے اپنی گرل فرینڈ کو مار ڈالا ہے۔

ملزم نے بتایا کہ وہ متاثرہ لڑکی کے ساتھ پانچ سال سے رومانوی تعلقات میں تھا جب اسے معلوم ہوا کہ وہ کسی دوسرے شخص کے ساتھ تعلقات میں ہے۔

اس نے آبائی ملک میں لڑکی کے اہل خانہ سے بھی رابطہ کیا جس پر نے اس سے کہا کہ وہ اسے لے کر گھر واپس لے جائیں۔ ملزم نے کہا کہ اس نے اپنی گرل فرینڈ کو اس بارے میں بتانے کا فیصلہ کیا۔

اس نے بتایا کہ اس نے چاقو خریدا اور اسے اپنی گاڑی میں رکھا۔ واقعے کی شام وہ متاثرہ خاتون کے گھر کے قریب ایک پارکنگ میں چلا گیا اور اسے آنے اور اس سے ملنے کو کہا اور جب وہ آئی اور اس کے پاس مسافر سیٹ پر بیٹھ گئی تو وہ اپنے وطن واپس جانے کے بارے میں بات کرنے لگی۔

ملزم نے بتایا کہ بات چیت تقریباً تین گھنٹے تک جاری رہی۔ میں نے اسے بتایا کہ میں اس سے محبت کرتا ہوں اور اس سے شادی کرنا چاہتا ہے لیکن لڑکی نے اسے بتایا کہ اس کے گھر والے نہیں چاہتے کہ وہ اس سے شادی کرے اور اس نے اس کی تجویز سے انکار کردیا۔

ملزم نے اس کی گردن اور اس کے جسم کے مختلف مقامات پر چھرا گھونپنے کا اعتراف کیا یہاں تک کہ لڑکی نے درد سے روتے ہوئے اسے روکنے کی التجا کی۔ جب لڑکی مرگئی تو اس نے چاقو کو پچھلی سیٹ پر پھینکا اور خود قریبی پولیس اسٹیشن میں گھس گیا۔

عدالتی کارروائی کے دوران ملزم نے مقتولہ کو قتل کرنے کی نیت سے وار کرنے کا اعتراف کیا۔عدالت نے اسے منصوبہ بندی کے تحت قتل کرنے کا مرتکب قرار دیتے ہوئے عمر قید کی سزا سنائی۔

Source: Khaleej Times