خلیج اردو
دبئی: دبئی پولیس میں کمیونٹی ہیپی نیس کے جنرل ڈپارٹمنٹ کے سیکیورٹی آگاہی ڈپارٹمنٹ نے تصدیق کی کہ ان کا فلفل اے چائلڈ وش پروگرام تین سال قبل باضابطہ طور پر شروع ہونے کے بعد سے اب تک 952 بچوں کی خواہشات کو پورا کر چکا ہے۔
یہ پروگرام بچوں کے لیے ایک منفرد اور ناقابل فراموش تجربہ فراہم کرتا ہے، جس سے وہ ایک دن کے لیے پولیس افسر بننے کا اپنا خواب پورا کر سکتے ہیں۔ بچوں کو حسب ضرورت پولیس یونیفارم اور تحائف ملتے ہیں، ایک جدید ترین سمارٹ پولیس سٹیشن کا دورہ کرتے ہیں اوریونٹ اور پولیس میسکوٹس منصور اور آمنہ کے شو سے لطف اندوز ہوتے ہیں۔
پروگرام کے آغاز کے بعد سے، 2020 میں 143 بچوں، 2021 میں 481 اور گزشتہ سال 328 بچوں کی خواہشات پوری ہوئیں۔ پروگرام کو کمیونٹی کی طرف سے وسیع حمایت حاصل ہوئی ہے اور یہ دبئی پولیس کے شراکت داروں کے تعاون سے بڑھتا ہی جا رہا ہے۔
بطی احمد بن درویش الفلاسی، ڈائریکٹر سیکیورٹی آگاہی ڈیپارٹمنٹ نے کہا "بچے کی خواہش کو پورا کرنا پروگرام دبئی پولیس کے لیے ایک اہم اقدام ہے اور یہ ہماری کمیونٹی میں بچوں کی خوشی کو یقینی بنانے کے لیے ہمارے عزم کا مظہر ہے ۔
انہوں نے کہا ہمیں بچوں کے لیے یہ منفرد اور یادگار تجربات فراہم کرنے پر فخر ہے، جس سے ان کو قانون نافذ کرنے والے اداروں کے کسی بھی خوف پر قابو پانے اور پولیس کے مثبت امیج کو فروغ دینے میں مدد ملتی ہے۔”
الفلاسی نے کہا کہ دبئی پولیس بچوں کی زندگیوں پر مثبت اثر ڈالنے اور کمیونٹی کے لیے روشن مستقبل بنانے کے لیے پرعزم ہے۔ انہوں نے مزید کہا کہ دبئی پولیس میں ٹورسٹ پولیس ڈیپارٹمنٹ اور کی نائن سیکیورٹی انسپکشن ڈیپارٹمنٹ اور دیگر شراکت داروں کے ساتھ شراکت داری نے پروگرام کو مزید بچوں تک پہنچنے اور جہاں ضرورت ہو مدد فراہم کرنے کی اجازت دی ہے۔
