خلیج اردو: دبئی میں تین سب سے خوبصورت رہائشی باغات کے لیے نئے مقابلے کا اعلان کیا گیا ہے، جسمیں فاتحین کو 100,000درہم کے انعامات سے نوازا جائگا۔ دبئی میونسپلٹی نے اس مقابلے کے لیے رجسٹریشن کھول دی ہے جس کا مقصد جمالیاتی باغبانی کو فروغ دینا اور رہائشیوں کو بیرونی جگہوں کو خوبصورت و پائیدار طریقے سے استعمال کرنے کی ترغیب دینا ہے۔
مقابلے کی رجسٹریشن 28 فروری تک کھلی ہے، جس کے بعد رہائشی اپنے فرنٹ گارڈن تیار کر سکتے ہیں۔ بہترین باغ کو 50,000 درہم ملے گا جبکہ پہلا اور دوسرا رنر اپ بالترتیب 30,000 اور 20,000درہم جیتیں گے ۔
میونسپلٹی نے مقابلہ میں شرکت کے لیے رہنما خطوط بیان کیے ہیں:
جائیداد کے مالکان یا کرایہ دار کا دبئی کا رہائشی ہونا ضروری ہے۔
انہیں اپنے گھروں کے فرنٹ گارڈنز رکھنے کے لیے روڈز اینڈ ٹرانسپورٹ اتھارٹی (آر ٹی اے) سے عدم اعتراض کا سرٹیفکیٹ حاصل کرنا ہوگا۔
شرکاء کو جیوری کے اراکین کو اپنے باغات کا دورہ کرنے اور ان کی تصاویر لینے کی رضامندی دینی ہوگی۔
انہیں سوشل میڈیا اور دیگر چینلز پر استعمال ہونے والی تصاویر کے لیے رضامندی دینی ہوگی۔
تشخیص کے معیار
شہری ادارے نے شرکاء کی تشخیص کے معیار کا اعلان کیا ہے:
ڈیزائن اور نائٹ لائٹنگ کی خوبصورتی۔
تخلیقی خیالات، جدید تکنیکس اور غیر روایتی سائنسی طریقوں کا استعمال، اور ایک پائیدار آبپاشی کے نظام کی فراہمی جو سروس لائنز اور پیدل چلنے والوں کی ٹریفک کو متاثر نہ کرے۔
ماحولیاتی عنصر: شرکاء کا فیصلہ کیا جائے گا کہ وہ پانی اور قابل تجدید توانائی کے عقلی استعمال کے ذریعے ماحول کو کیسے محفوظ رکھتے ہیں۔
تفریح یا زراعت کے لیے صحن کی اپیل کے سماجی پہلو۔
