وہ وقت جب یو اے ای بغیر ڈرائیوروں کی گاڑیوں پر منتقل ہوگا، بغیر ڈرائیوروں والی گاڑیوں کیلئے دبئی پراجکٹ ڈیجیٹل نقشے تیار کرے گا

خلیج اردو
دبئی : دبئی میونسپلٹی نے بغیر ڈرائیور والی گاڑیوں کے لیے ایسے ڈیجیٹل نقشے ڈیزائن کرنے کے لیے ایک پروجیکٹ شروع کیا ہے جہاں نقشوں کی درستگی انتہائی بہتر ہوگی۔

شہری ادارے کے جیوگرافک انفارمیشن سسٹمز جی آئی ایس سینٹر کے ذریعے شروع کیے گئے اس پروجیکٹ کو ان کاروباری اداروں کے ذریعے استعمال کیا جائے گا جو خود مختار گاڑیوں کے حل پیش کرتے ہیں۔

بلدیہ کی طرف سے شیئر کی گئی تصویر میں کیمروں سے لیس ڈبلیو ڈی فور دکھایا گیا ہے جو ڈیجیٹل نقشے تیار کرنے کے لیے استعمال کیا جائے گا۔ میونسپلٹی نے بتایا ہے کہ یہ نقشے بہترین معیارات اور بین الاقوامی طریقوں کے مطابق بنائے جائیں گے۔

بغیر ڈرائیور والی گاڑیوں کو سڑکوں پر جانے کے لیے درست نقشوں کی ضرورت ہے۔

دبئی میں خود ڈرائیونگ ٹرانسپورٹ کی ایک زبردست حکمت عملی ہے جس کا مقصد 2030 تک تمام سفروں کا 25 فیصد بغیر ڈرائیور کے سفر میں تبدیل کرنا ہے۔

اگر بات ڈرائیور کے بغیر گاڑیوں کو ایڈجسٹ کرنے کی تیاری کی ہو تو عالمی کنسلٹنسی فرم کے ایم پی جی نے متحدہ عرب امارات کو سرفہرست ممالک میں شامل کیا ہے۔

اس سے قبل روڈز اینڈ ٹرانسپورٹ اتھارٹی آر ٹی اے نے 2022 کے آخر تک بغیر ڈرائیور کے ٹیکسیوں اور ای-ہیل سروسز کے ٹرائل شروع کرنے کے منصوبوں کا اعلان کیا تھا۔

2023 میں محدود تعداد میں کروز خود کار گاڑیاں سڑکوں پر ہونگی جہاں 2030 تک ان کروز کی تعداد 4000 تک بڑھائی جائے گی۔

Source: Khaleej Times